შეხვედრები ეთიკის ექსპერტთან

საქართველოს არბიტრთა ასოციაციამ USAID/EWMI-ს „კანონის უზენაესობის მხარდაჭერა საქართველოში“ (PROLoG) პროგრამის მხარდაჭერით, ადგილობრივი ექსპერტის – თამარ ხუბულურის დახმარებით შეიმუშავა არბიტრთა დისციპლინური წარმოების სახელმძღვანელო მომკვლევი პირებისთვის. სახელმძღვანელოს მიზანია ნათელი გახადოს მომკვლევი პირების როლი დისციპლინური წარმოების პროცესში და გაუადვილოს მათ სხვადასხვა პროცესუალური ღონისძიებების ეფექტიანად განხორცილება.

სახელმძღვანელოს შემუშავების პროცესში 2020 წლის ივლისი – დეკემბრის პერიოდში მომკვლევ პირებთან გაიმართა რამდენიმე სამუშაო შეხვედრა.

სამუშაო შეხვედრების განმავლობაში ეთიკის ექსპერტმა მონაწილეებს გაუზიარა საკუთარი გამოცდილება რეალური საქმეებიდან, განიხილეს კაზუსები; მნიშვნელოვანი დრო დაეთმო ისეთი საკითხების განხილვას, როგორიც არის მომკვლევთა როლი წარმოებამდე და წარმოების სხვადასხვა ეტაპზე, კომუნიკაციის სტანდარტები მხარეებთან და ეთიკის კომისიის წევრებთან, დაოქმების და დოკუმენტების წარმოების წესი, მტკიცების სტანდარტი მოკვლევისა და დისციპლინური განხილვის ეტაპზე,  და სხვა.

სახელმძღვანელოს შემუშავების შემდგომ კი ცალკე შეხვედრა დაეთმო   დისციპლინური დევნის აღძვრის, აღძვრაზე უარის თქმის და შეწყვეტის თაობაზე გადაწყვეტილების წერის ტექნიკას.

2021 წლიდან საქართველოს არბიტრთა ასოციაცია განაახლებს შეხვედრებს მოქმედ არბიტრებსა და იურისტებთან ეთიკის სტანდარტების შესახებ ცნობიერების ამაღლების მიზნით.