სიახლეები

არბიტრთა ასოციაციის წევრთა შეკრება

მიმდინარე წლის დასასრულს, 2018 წლის 22 დეკემბერს, გაიმართა საქართველოს არბიტრთა ასოციაცის წევრების შეკრება.

შეკრების პირველი ნაწილი დაეთმო არბიტრთა აკრედიტაციის სისტემის პრეზენტაციას, სადაც აკრედიტაციაზე მომუშავე სამუშაო ჯგუფმა ასოციაციის წევრებს გააცნო ჯგუფის წინადადება და სამომავლო ცვლილებები, რომლებიც საერთო კრებას დასამტკიცებლად წარედგინება 2019 წლის წევრთა პირველ საერთო კრებაზე. სამუშაო შეხვედრა გაიმართა ევროკავშირისა (EU) და გაეროს განვითარების პროგრამის (UNDP) მხარდაჭერით.

შეკრების მეორე ნაწილში ასოციაციის წევრებმა გადაინაცვლეს არაფორმალურ გარემოში, სადაც მათ შესაძლებლობა ჰქონდათ მოესმინათ სომელიესთვის, გაეგოთ მეტი ღვინის დეგუსტაციისა და საკვებთან შეხამების შესახებ.