აკაკი ჩარგეიშვილი არის ადვოკატი და წამყვანი პროფესიული ასოციაციის დამფუძნებელი, ამავდროულად საქართველოს არბიტრთა ასოციაციის წევრი. აკაკის გამოცდილება მოიცავს არბიტრობას DRC-ის წესებით. დავების განხილვაში აკაკი მოქმედებდა როგორც ერთპიროვნული არბიტრი, ისევე როგორც ტრიბუნალის თავმჯდომარე. აკაკი ეწევა აქტიურ საადვოკატო პრაქტიკას, მონაწილეობს ეკონომიკური და ფინანსური დავების გადაწყვეტაში. კომპანიათა ეკონომიკური ინტერესების დაცვის მიზნით ახორციელებს წარმატებულ ლობისტურ საქმიანობას. საქმიანობს კომპანიათა გადახდისუუნარობისა და რეაბილიტაციის პრეოცესებში. აწარმოებს საგადასახადო დავებს და გასცემს პრაქტიკულ რჩევებს. არის ეკონომიკური სამართლის ანალიტიკოსი. აკაკი ოცეულ წელზე მეტი პერიოდის განმავლობაში პრაქტიკული გამოცდილებიდან გამომდინარე ეწეოდა სამეცნიერო და პედაგოგიურ საქმიანობას საქართველოს წამყვან უნივერსიტეტებში. ატარებს პროფესიულ ტრენინგებს, მათ შორის საგადასახადო დავების წარმოების მიმართულებით. იგი გახდა 2002 წლიდან ახალი საგადასახადო კოდექსის თანაავტორი, მისი ავტორობით შეიქმნა საგადასახადო დავების საარბიტრაჟო წესებით განხილვის სპეციალური მექანიზმი. აკაკი არის სერტიფიცირებული ლექტორთა საკვალიფიკაციო მოდულებში, კერძო სამართალში (COLPI - უნგრეთი), ფლობს უმაღლესიგანათლების შემდგომი კვალიფიკაციის დიპლომს (CDG - გერმანია), აგრეთვე იურისტის დიპლომს თბილისის სახელმწიფო უნივერსიტეტიდან.

ალექსანდრე თედორაძე არის საერთაშორისო საკონსულტაციო კომპანია PKF Deutschland-ის იურიდიული და საგადასახადო მრჩეველი ჰამბურგის ოფისში. ალექსანდრე ეწევა აქტიურ პრაქტიკას კორპორატიული, საგადასახადო, სახელშეკრულებო, ფინანსური, სავაჭრო, კომერციული, გერმანიის სამეწარმეო საზოგადოებებისა და ზოგადი სამოქალაქო სამართლის მიმართულებით, ასევე, მონაწილეობს სასამართლო და საარბიტრაჟო დავებში. ალექსანდრეს გამოცდილება საკონსულტაციო კომპანია Deloitte Deutschland-სა და სხვადასხვა იურიდიულ კომპანიებში მუშაობასთან ერთად, მოიცავს საქართველოს უზენაესი სასამართლოს სამოქალაქო საქმეთა პალატაში მოსამართლის თანაშემწედ საქმიანობასაც. მას გამოქვეყნებული აქვს სხვადასხვა სამეცნიერო ნაშრომები და გახლდათ შედარებითი სამართლის ქართულ-გერმანული ჟურნალის სამუშაო ჯგუფის წევრი. ალექსანდრე ფლობს სამართლის მაგისტრის ხარისხს კიოლნის უნივერსიტეტიდან (გერმანია) და სამართლის ბაკალავრის ხარისხს თბილისის სახელმწიფო უნივერსიტეტიდან. რამდენჯერმე აქვს მოპოვებული DAAD-ის, Erasmus+-ის და სხვა სტიპენდიები, რომელთა ფარგლებშიც მიღებული აქვს განათლება ზაარლანდის, მიუნხენისა და ბერლინის უნივერსიტეტებში. ალექსანდრეს საქართველოს არბიტრთა ასოციაციაში გავლილი აქვს აკრედიტაციის ორივე მოდული.

ამირან მაკარაძე – არის მრავალწლიანი სამუშაო გამოცდილების მქონე იურისტი, რომლის პროფესიული საქმიანობის ძირითადი მიმართულებები მოიცავს სახელშეკრულებო, ვალდებულებით, საკორპორაციო, საფინანსო/საბანკო, შრომის და ინტელექტუალური საკუთრების სამართალს და აერთიანებს, მსხვილი საინვესტიციო პროექტების ფინანსირებას, საერთაშორისო და ადგილობრივ ფინანასურ ტრანზაქციებთან, საინვესტიციო, ენერგეტიკულ, სამშენებლო და ინფრასტრუქტურულ პროექტებთან დაკავშირებული კომპლექსური სამართლებრივი საკითხების გადაწყვეტაში მონაწილეობას და სამართლებრივი შესაბამისობის უზრუნველყოფას. ის ასვე ახორციელებს სასამართლო წარმომადგენლობას და აქვს საკანონმდებლო ინიციატივების და კანონპროქტების შემუშავებაში მონაწილეობის მიღების გამოცდილება. ამირან მაკარაძე არის საქართველოს ადვოკატთა ასოციაციის წევრი, საქართველოს არბიტრთა ასოციაციის აკრედიტირებული წევრი, საქართველოს იურიდიული ფირმების ასოციაციის გამგეობის წევრი და საქართველოს ოკუპირებული ტერიტორიებიდან, შრომის ჯანმრთელობის დაცვის და სოციალურ საკითხთა მინისტრის მიერ გამწესებული კოლექტიური შრომითი დავების მედიატორი. ამირანს ასევე გააჩნია, მრავალწლიანი გამოცდილება აკადემიური საქმიანობის მიმართულებით როგორც კერძო ასევე, სახელმწიფო უმაღლეს საგანმანათლებლო დაწესებულებებში. ამირან მაკარაძე ამჟამად არის, თბილისის ივანე ჯავახიშვილის იურიდიული ფაკულტეტის დოქტორანტი, კერძო სამართლის მიმართულებით და ფლობს ნორვეგიის, ოსლოს უნივერსიტეტის სამართლის მაგისტრის ხარისხს საერთაშორისო კომერციულ, სავაჭრო და საინვესტიციო სამართალში.

ანა რეხვიაშვილი იურიდიული ფირმა BLB-ის უფროსი იურისტი და International Chamber of Commerce Georgia-ს კონკურენციის კომისიის თავმჯდომარეა. ანას სპეციალიზაციაა პროექტების ფინანსირება, საბანკო სამართალი, უზრუნველყოფილი გარიგებები, სახელშეკრულებო სამართალი, შრომის სამართალი, ასევე ზოგადი სამეწარმეო, სამოქალაქო და ადმინისტრაციული სამართალი. ანას იურიდიული პრაქტიკა დაკავშირებულია საარბიტრაჟო დავებში კლიენტთა წარმომადგენლობასა და არბიტრაჟთან დაკავშირებულ საკითხებზე კონსულტაციების გაწევასთან; მას ფართე გამოცდილება აქვს საერთაშორისო საარბიტრაჟო ინსტიტუტებისათვის საქართველოს იურისდიქციის საკითხებზე სხვადასხვა საექსპერტო მოსაზრებების მომზადებასა და შექმნაში. ანას გავლილი აქვს საქართველოს არბიტრთა ასოციაციის აკრედიტაციის ორი მოდული. ანა საქართველოს ადვოკატთა ასოციაციის წევრია 2016 წლიდან. 2020 წლიდან ანა არის საქართველოს არბიტრთა ასოციაციის აკრედიტებული წევრი.

ანა ხიტირს აქვს უმაღლესი იურიდიული განათლება. 2017 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. პარალელურად იყო თბილისის საქალაქო სასამართლოს სისხლის სამართლის კოლეგიის სტაჟიორი, ხოლო შემდეგ საქართველოს ცენტრალური საარჩევნო კომისიის სასამართლოებთან ურთიერთობის და საარჩევნო დავების განყოფილების ანაზღაურებადი სტაჟიორი. 2021 წელს დაამთავრა კავკასიის უნივერსიტეტის სამართლის სამაგისტრო პროგრამა კერძო სამართლის მიმართულებით. ანას სამუშაო გამოცდილება 2018 წლიდან მოიცავს საშუალო და დიდ კომპანიებში იურისტის პოზიციებს. ის არის ევროპის იურისტ სტუდენტთა ასოციაციის წევრი, საქართველოს ახალგაზრდული პარლამენტის მიერ ორგანიზებული პროექტების მონაწილე და საქართველოს პროკურატურის მიერ ჩატარებული იმიტირებული სასამართლო პროცესების გამარჯვებული დაცვის მხარეს. ამჟამად ანა ხიტირი არის იურიდიული კომპანიის ,,უნივერსალური იურიდიული მომსახურების“ იურისტი. მისი როგორც იურისტის საქმიანობის სფერო მოიცავს ბიზნეს სამართალს, სამოქალაქო სამართალს, სამეწარმეო სამართალს, სადაზღვევო სამართალს, საინვესტიციო სამართალს, შრომით სამართალს. მას გავლილი აქვს თეორიული კურსი საერთაშორისო საარბიტრაჟო ინსტიტუტების მიერ დავის განხილვის თავისებურებებზე და არის საქართველოს არბიტრთა ასოციაციის წევრი.

ანნა ლილუაშვილი არის საქართველოს ადვოკატთა ასოციაციის წევრი საერთო სპეციალიზაციის – სამოქალაქო სამართალი, ადმინისტრაციული სამართალი, სისხლის სამართალი ადვოკატი. ასევე არასრულწლოვანთა მართლმსაჯულებაში სპეციალიზირებული ადვოკატი და ბავშვთა უფლებებში სპეციალიზირებული ადვოკატი. ანნას გამოცდილება მოიცავს და ის აქტიურ პრაქტიკას ეწევა საოჯახო და მემკვიდრეობით სამართალში, სახელშეკრულებო სამართალში, ვალდებულებითი სამართალში, შრომის სამართალში, სამშენებლო სამართალში, ახორციელებს წარმომადგენლობას ყველა ინსტანციის სასამართლოში სამოქალაქო და ადმინისტრაციული სამართალში, ასევე სისხლის სამართალში. ანნა გახლავთ პრაქტიკოსი იურისტი. სამედიცინო დაწესებულება სითი ლუქსის და ესთეტიკური დაწესებულება ორგანიქ ქეას იურისტი. ანნა ფლობს საქართველოს უნივერსიტეტის საერთო სამართლის ბაკალავრის და მაგისტრის ხარისხებს.

არჩილ ლეჟავა არის იურიდიული კომპანია ,,ელ ფი ეი“-ს (LPA Law Firm) დამფუძნებელი პარტნიორი, მისი გამოცდილება მოიცავს სამეწარმეო და სამოქალო სამართალს, საერთაშორისო ბიზნეს ტრანზაქციებს და კორპორაციულ სტრუქტურირებას, საფინანსო საბანკო, სამშენებლო და უძრავი ქონების სამართალს, ინტელექტუალურ სამართალს, საინვესტიციო სამართალს და საერთაშორისო და ადგილობრივ ბიზნეს ტრანზაქციებს; არჩილ ლეჟავა ეწევა აქტიურ საადვოკატო პრაქტიკას 2006 წლიდან სამოქალაქო და ადმინისტრაციული კატეგორიის საქმეებზე; არჩილი ფლობს მაგისტრთან გათანაბრებულ ხარიხს საერთაშორისო სამართალში, თბილისის, ივანე ჯავახიშვილის სახელობის, სახელმწიფო უნივერსიტეტიდან, არის საქართველოს ადვოკატთა ასოციაციის წევრი (2006 წლიდან), საქართველოს პატენტრწმუნებული (2011 წლიდან), საქართველოს არბიტრთა ასოციაციის დამფუძნებელი წევრი და აკრეტირებული არბიტრი (2020 წლიდან).

არჩილ ცერცვაძე არის საკონსულტაციო კომპანია სოლუშენს 2.0-ის დამფუძნებელი და დირექტორი. არჩილის პროფესიული გამოცდილება მოიცავს ადვოკატად და პრაქტიკოს იურისტად მუშაობის 10 წელზე მეტ ვადას. სხვადასხვა დროს იგი მუშაობდა კვლევითი ორგანიზაციების, იურიდიული კომპანიების, საერთაშორისო დონორი ორგანიზაციების და კერძო კომპანიების/ორგანიზაციების სამართლებრივ მრჩევლად/იურისტად. არჩილის საქმიანობის სფერო მოიცავს ბიზნეს სამართლის სხვადასხვა მნიშვნელოვან მიმართულებებს, მათ შორის: საკორპორაციო სამართალი, სახელშეკრულებო სამართალი, შრომის სამართალი, საფინანსო სამართალი, მომხმარებელთა უფლებების დაცვის სამართალი, სასამართლო წარმომადგენლობა სამოქალაქო და ადმინისტრაციულ დავებზე. გარდა პრაქტიკული იურიდიული საქმიანობისა, არჩილი აქტიურად არის ჩართული აკადემიურ საქმიანობაში, და 2017 წლიდან დღემდე არის ილიას სახელმწიფო უნივერსიტეტის მოწვეული ლექტორი საკორპორაციო სამართალსა და შრომის სამართალში. არჩილი ფლობს საერთაშორისო და ევროპის ბიზნესისა და ეკონომიკის სამართლის მაგისტრის ხარისხს, გრონინგენის უნივერსიტეტისგან (ნიდერლანდების სამეფო), აგრეთვე ფლობს სამართლის მაგისტრისა და სამართლის ბაკალავრის ხარისხს თბილისის სახელმწიფო უნივერსიტეტისგან. იგი არის საქართველოს ადვოკატთა ასოციაციის წევრი სამოქალაქო და ადმინისტრაციული სამართლის სპეციალიზაციით.

ბესიკ კობერიძე 2008 წლიდან არის მუდმივმოქმედი არბიტრაჟი შპს „დავების განმხილველი ცენტრის“ (DRC) არბიტრი. ამასთანავე, არის საქართველოს არბიტრთა ასოციაციის წევრი. ბესიკ კობერიძის საარბიტრაჟო გამოცდილება მოიცავს არბიტრობას DRC-ის წესებით. საარბიტრაჟო დავებში ბესიკ კობერიძე მონაწილებას იღებდა როგორც ერთპიროვნული არბიტრი, საარბიტრაჟო ტრიბუნალის წევრი არბიტრი, საარბიტრაჟო ტრიბუნალის თავმჯდომარე. ბესიკ კობერიძე ეწევა აქტიურ პრაქტიკულ საქმიანობას სამოქალაქო და ადმინისტრაციულ სამართალში. ბესიკ კობერიძე ფლობს იურისტის დიპლომს თბილისის სახელმწიფო უნივერსიტეტიდან.

ბექა ინჯია 2014 წლიდან ,,საქართველოს საერთაშორისო საარბიტრაჟო ცენტრის'' გენერალური მდივანია, ხოლო 2015 წლიდან სს ,,საპარტნიორო ფონდის'' იურიდიული დეპარტამენტის შტატგარეშე იურისტია. 2012 წლიდან იკავებს იურიდიულ საკითხებში მრჩევლის პოზიციას ,,საქართველოს საერთაშორისო სავაჭრო-სამრეწველო პალატაში''. 2011-2014 წლებში იგი მუშაობდა ჰოლდინგში ,,მეიდან ჯგუფი'' მთავარ იურისტად. 2007-2011 წლებში ბექა ინჯიას ეკავა უფროსი სპეციალისტის პოზიცია საქართველოს ფინანსთა სამინისტროს იურიდიულ დეპარტამენტში; ხოლო მანამდე- მრჩევლის პოსტი საქართველოს იუსტიციის სამინისტროს საქართველოს საერთაშორისო სასამართლოებსა და არბიტრაჟებში წარმომადგენლობის სამმართველოში. 2002-2006 წლებში ბექა ინჯია სწავლობდა ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე, რომლის დასრულების შემდგომაც მიენიჭა სამართალმოდნეობის ბაკალავრის ხარისხი. 2006-2008 წლებში სწავლა განაგრძო ამავე უნივერსიტეტის იურიდიული ფაკულტეტის სამაგისტრო პროგრამაზე, რომლის დასრულების შემდგომ მიენიჭა კერძო სამართლის მაგისტრის ხარისხი. 2009-2010 წლებში სწავლობდა პროგრამაზე Geneva Master in International Dispute Settlement, Graduate Institute of international and Development Studies, რომლის დასრულების შემდგომაც მიენიჭა მაგისტრის (LLM) ხარისხი. ბექა ინჯია არაერთი სემინარისა და კონფერენციის მონაწილეა. სხვადასხვა წლებში ის იყო წევრი ახალგაზრდული კომერციული არბიტრაჟის საერთაშორისო საბჭოში, კერძო სამართლის რეფორმის უწყებათაშორის საბჭოში, არბიტრაჟის შესახებ კანონში შესატან ცვლილებებზე მომუშავე ჯგუფში, ფინანსთა სამინისტროსთან არსებული საგადასახადო დავების განხილვის საბჭოში. მშობლიური ქართულის გარდა ბექა ინჯია ფლობს ინგლისურ, რუსულ და ფრანგულ ენებს

გიორგი კეკენაძე არის იურიდიული კომპანია შპს ნოდია, ურუმაშვილი და პარტნიორების უფროსი იურისტი. გიორგის გამოცდილება მოიცავს საერთო და საკონსტიტუციო სასამართლოში მხარეთა წარმომადგენლობას, მათ შორის, კომერციულ, საკორპორაციო, საფინანსო, სამედიცინო, ინტელექტუალური საკუთრების, უძრავ ქონებებთან დაკავშირებულ დავებში. გიორგი არის მოწვეული ლექტორი ილიას სახელმწიფო უნივერსიტეტში, სადაც იგი ასწავლის ADR-ისა და კომერციული არბიტრაჟის კურსებს. გიორგი ასევე არის საქალაქო (რაიონული) და სააპელაციო სასამართლოების მოსამართლეთათვის არბიტრაჟში გზამკვლევების თანაავტორი. გიორგი ფლობს მაგისტრის ხარიხს საერთაშორისო ბიზნეს სამართალში, ცენტრალური ევროპის უნივერსიტეტიდან (CEU) და იურისტის დიპლომს თბილისის სახელმწიფო უნივერსიტეტიდან. იგი არის არბიტრთა საქართველოს არბიტრთა ასოციაციის (GAA) აკრედიტირებული წევრი და საქართველოს ადვოკატთა ასოციაციის (GBA) წევრი. გიორგი ფლობს ინგლისურ, რუსულ და ქართულ ენებს.

Black Sea Law Group LLC-ის მმართველი პარტნიორი. საქართველოს ადვოკატთა ასოციაციის (GBA) წევრი, სასამართლო მედიატორი და მოქმედი ადვოკატი. სპეციალიზაცია: სამეწარმეო სამართალი, სახელმწიფო შესყიდვების სამართალი, უძრავ ქონებასთან დაკავშირებული გარიგებები, შრომითი დავები, სამშენებლო სამართალი, საგადასახადო სამართალი, სამოქალაქო და ადმინისტრაციული სამართალი. პროფესიით იურისტი, ფლობს ი. ჯავახიშვილის სახელობის თბილისის სახელმწიფო უნივერსიტეტის სამართლის მაგისტრის ხარისხს, ამჟამად თბილისის სახელმწიფო უნივერსიტეტის იურიდიული ფაკულტეტის დოქტორანტი. რაც შეეხება პროფესიულ გამოცდილებას: 2019წ; საქართველოს შინაგან საქმეთა სამინისტროს საგანგებო სიტუაციების მართვის სამსახურის იურიდიული სამმართველოს იურისტი, 2018წ;საქართველოს განათლების, კულტურისა და სპორტის სამინისტროს სტრატეგიული დაგეგმვისა და მონიტორინგის სამსახურის სპეციალისტი. 2017წ; საქართველოს სპორტის სამინისტროს საერთაშორისო ურთიერთობებისა ევროინტეგრაციის დეპარტამენტის სპეციალისტი; 2016წ. სტაჟირება სს „თელასი“ იურიდიული დეპარტმენტი წარმატებით გაიარა ჰარვარდის იურიდიული ფაკულტეტისა და ივ. ჯავახიშვილის სახელობის თბილისის სახელმწიფო უნივერსიტეტის ერთობლივი სამართლის პროგრამა საავტორო უფლებების სამართლის მიმართულებით, Harvard- Copyrightx. ნაშრომები: სამართლის ჟურნალი - "ნორმის განმარტების პრობლემატიკა სამოსამართლო დისკრეციის ფარგლებში, ადმინისტრაციული სამართალწარმოებისას"; სამართლის ჟურნალი - “ადმინისტრაციული კოლეგიის მიერ ნორმების განმარტების თავისებურებანი”. სამუშაო ენები: ქართული, ინგლისური, რუსული.

გულიკო გოგალაძე გახლავთ საქართველოში ოპერირებადი ერთ-ერთი უმსხვილესი რითეილ კომპანიის მთავარი იურისტი. გულიკოს გააჩნია როგორც ადგილობრივ კორპორაციაში, ასევე რეგიონის ერთ-ერთ უმსხვილეს ტრანსნაციონალურ კომპანიაში იურიდიულ მრჩევლად მუშაობის თხუთმეტზე მეტი წლის გამოცდილება. მისი ექსპერტიზა მოიცას ბიზნესის და კომერციულ სამართალს, მათ შორის, სახელშეკრულებო სამართალს, საკორპორაციო სამართალს, შრომის სამართალს, კონკურენციის სამართალს, ასევე, ზოგად სამეწარმეო, სამოქალაქო და ადმინისტრაციულ სამართალს. გულიკოს იურიდიული პრაქტიკა, აგრეთვე, მოიცავს კორპორატიული მართვისა და იურიდიული შესაბამისობის მიმართულებებს. მას ასევე გააჩნია საქართველოს უზენაესი სასამართლოს სამოქალაქო საქმეთა პალატაში სტაჟიორად მუშაობის ერთწლიანი გამოცდილება. გულიკო ფლობს ივ. ჯავახიშვილის სახელობის თბილისის სახელმწიფო უნივერსიტეტის სამართლის ბაკალავრის და სამართლის მაგისტრის აკადემიურ ხარისხებს. გულიკოს გავლილი აქვს საქართველოს არბიტრთა ასოციაციის აკრედიტაციის 2-ვე მოდული. აგრეთვე, მას გავლილი აქვს დარგის წამყვანი საერთაშორისო ექსპერტების მონაწილეობით შექმნილი სასერთიფიკატო კურსი საარბიტრაჟო წარმოებაში წარმომადგენლობის შესახებ. გულიკო არის საქართველოს ადვოკატთა ასოციაციის წევრი (GBA). 2025 წლიდან გულიკო გახლავთ საქართველოს არბიტრთა ასოციაციის აკრედიტირებული წევრი (GAA). მშობლიურ ქართულ ენასთან ერთად პროფესიულ დონეზე ფლობს ინგლისურ და რუსულ ენებს.

დავით გვენეტაძეს აქვს საჯარო და კერძო სექტორებში სამართლის სხვადასხვა მიმართულებით საქმიანობის გამოცდილება. 2012-13 წლებში მუშაობდა საქართველოს გაერთიანებული სამელიორაციო სისტემების კომპანიის ადმინისტრაციულ-იურიდიულ დეპარტამენტში სამეწარმეო და სამოქალაქო სამართლის საკითხებზე; 2014-21 წლებში დასაქმებული იყო ქ. თბილისის საკრებულოს განათლებისა და კულტურის კომისიის სამდივნოში ადმინისტრაციული და სამოქალაქო სამართლის მიმართულებით; 2022 წელს სტაჟირება გაიარა გერმანულ იურიდიულ ფირმებში Graf von Westphalen და Brödermann Jahn Rechtsanwaltsgesellschaft სამოქალაქო და კომერციული სამართლის სპეციალიზაციით. 2023-24 წლებში დავით გვენეტაძე იყო სს საქართველოს ბანკის იურიდიული მიმართულების იურისტი სამეწარმეო და საბანკო სამართლის დარგში. 2025 წლიდან დღემდე არის საკონსულტაციო ფირმის Orson Co. ბიზნეს სამართლის იურისტი. დავით გვენეტაძე ფლობს საქართველოს დავით აღმაშენებლის სახელობის უნივერსიტეტის სამართლის ბაკალავრის, ივანე ჯავახიშვილის სახელობის თბილისის სახელმწიფო უნივერსიტეტის სამართლის მაგისტრისა და ბუცერიუსის სამართლის სკოლის სამართლისა და ბიზნესის მაგისტრის ხარისებს. არის შემდეგი პროფესიული ორგანიზაციების წევრი: საქართველოს მედიატორთა ასოციაცია (მედიატორი, სასამართლო მედიატორი), საქართველოს ადვოკატთა ასოციაცია, ჰონგ-კონგის საერთაშორისო საარბიტრაჟო ცენტრის HK45 ჯგუფი, საერთაშორისო სავაჭრო პალატის ICC YAAF ჯგუფი, შვეიცარიის საარბიტრაჟო ასოციაციის B40 საზოგადოება, ახალგაზრდული საერთაშორისო საარბიტრაჟო ჯგუფი (YIAG). გერმანიის საარბიტრაჟო ინსტიტუტის DIS40 ჯგუფი, კომერციული არბიტრაჟის საერთაშორისო საბჭოს Young ICCA ჯგუფი, იტალიის 40 წლამდელთა საარბიტრაჟო ასოციაცია, დავების განმხილველი საერთაშორისო ცენტრის Y&I ჯგუფი, ინტელექტუალური საკუთრების მსოფლიო ორგანიზაციის დავის ალტერნატიული გადაწყვეტის WIPO ADR Young ჯგუფი, სინგაპურის საერთაშორისო საარბიტრაჟო ცენტრის Young SIAC ჯგუფი, ამერიკული და საერთაშორისო სამართლის ცენტრის ტრანსნაციონალური არბიტრაჟის ინსტიტუტის Young ITA ჯგუფი, ტაშკენტის საერთაშორისო საარბიტრაჟო ცენტრის TIAC45 ჯგუფი, ავსტრიის საარბიტრაჟო ასოციაციის YAAP ჯგუფი, თანამედროვე არბიტრაჟის ინსტიტუტის Young IMA ჯგუფი.

დავით ნახუცრიშვილი არის საქართველოს არბიტრთა ასოციაციის წევრი. დავითის გამოცდილება მოიცავს არბიტრობას DRC-ის წესებით. დავითი ფლობს იურისტის დიპლომს თბილისის საბაზრო ეკონომიკისა და სამართლის ინსტიტუტიდან.

დავით ტაბატაძე არის იურიდიული კომპანია BLC Law Office-ის დავების მიმართულების ხელმძღვანელი (Head of Litigation). დავითის გამოცდილება მოიცავს კლიენტების წარმომადგენლობას ადგილობრივ და საერთაშორისო საარბიტრაჟო ინსტიტუტებში, წარმომადგენლობას მედიაციის პროცესსა და მოლაპარაკებებში. დავითს გააჩნია მრავალწლიანი გამოცდილება უცხო ქვეყნის სასამართლო და საერთაშორისო საარბიტრაჟო გადაწყვეტილებების ცნობა-აღსრულების მიმართულებით. ასევე დავითი წარმოადგენს მაღალი პროფილის ბიზნეს დავებზე კლიენტებს ადგილობრივ სასამართლოებში, სახელშეკრულებო, სამეწარმეო და ინტელექტუალური საკუთრების დავებზე. დავითი სხვადასხვა დროს ასწავლიდა და ასწავლის თბილისის სახელმწიფო უნივერსიტეტში, ილიას სახელმწიფო უნივერსიტეტსა და თბილისის თავისუფალ უნივერსიტეტში. დავითი ფლობს მაგისტრის ხარისხს Wake Forest უნივერსიტეტის (აშშ) სამართლის სკოლიდან ამერიკულ სამართალში. აგრეთვე, დავითი მოპოვებული აქვს სამართლის მაგისტრის და ბალაკავრის ხარისხები თბილისის სახელმწიფო უნივერსიტეტში.

ეკატერინე შანიძე არის შანიძისა და ნიკოლაძის იურიდიული ჯგუფის (SNLG) დამფუძნებელი და მმართველი პარტნიორი. ეკატერინეს საქმიანობის სფერო მოიცავს სამეწარმეო და საკორპორაციო სამართალს, სამოქალაქო სამართალს, საზოგადოებრივი ტრანსპორტის საკითხებს, შრომის სამართალს, სახელშეკრულებო სამართალს, ადმინისტრაციულ სამართალს, სახელმწიფო შესყიდვებს, საერთაშორისო ტენდერებს, სამშენებლო სამართალს, ინტელექტუალური საკუთრების სამართალს, სააღსრულებლო სამართალს, სამოქალაქო საპროცესო სამართალს. მას აქვს როგორც კერძო, ისე საჯარო სფეროში მუშაობის თვრამეტზე მეტი წლის გამოცდილება. ამ პერიოდში მას ეკავა როგორც იურიდიული სამსახურის უფროსის, ისე იურიდიული მრჩევლის და უფროსი იურისტის პოზიციები, რა დროსაც მისი ხელმძღვანელობით წარმატებით განხორციელდა არაერთი პროექტი. სხვადასხვა დროს თავისი პროფესიით მუშაობდა უზენაეს სასამართლოში, საქართველოს პარლამენტში, საქართველოს რკინიგზაში, თბილისის მეტროში, თბილისის სატრანსპორტო კომპანიაში, სს საქართველოს ბანკში, ტოიოტა ცენტრ თეგეტასა და თეგეტა მოტორსში. ამავდროულად აქტიურად იყო ჩართული შრომის კოდექსში შესატანი საკანონმდებლო ცვლილებების შემუშავების პროცესში. ეკატერინეს აქვს საქართველოს სასამართლოებში, არბიტრაჟსა და სახელმწიფო შესყიდვებთან დაკავშირებული დავების განხილვის საბჭოში სამოქალაქო და ადმინისტრაციული საქმეების წარმატებით წარმოების მრავალწლიანი გამოცდილება. ეკატერინე ფლობს საზოგადოებრივი ტრანსპორტის საერთაშორისო მენეჯერის კვალიფიკაციას (UITP – International Association of Public Transport), მას ასევე გავლილი აქვს ჩიკაგო კენტის სამართლის სკოლის კურსი საერთაშორისო ბიზნეს გარიგეგებში (IBT) და როგორც ინსტიტუციური და სამართლებრივი ექსპერტი ჩართული იყო UNDP-სა და GEF-ის პროექტში „მწვანე ქალაქები: მდგრადი ინტეგრირებული ტრანსპორტის სისტემა ქალაქ ბათუმისა და აჭარის რეგიონისათვის“. ეკატერინეს გავლილი აქვს ტრენინგები FIDIC-ის ტიპის კონტრაქტებთან დაკავშირებით, შრომის, საგადასახადო და სამოქალაქო საპროცესო სამართალში, მედიაციასა და პერსონალურ მონაცემთა დაცვის საკითხებში, სახელმწიფო შესყიდვების ელექტრონული ფორმით წარმოებასა და სამართლის სხვა სფეროებში. ეკატერინე არის საქართველოს ადვოკატთა ასოციაციის წევრი და მენტორ ადვოკატი, იგი ჩართულია პროფესიული ადაპტაციის პროგრამაში. ეკატერინემ 2002 წელს წარჩინებით დაამთავრა თბილისის ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტი და მიენიჭა იურისტის კვალიფიკაცია. მშობლიურ ქართულ ენასთან ერთად პროფესიულ დონეზე ფლობს ინგლისურ და რუსულ ენებს.

ვეკო დოდაშვილი ვეკო დოდაშვილი - Foresight Investment Group - ის მმართველი დირექტორი სამართლებრივი და კორპორაციული საკითხების მიმართულებით. ვეკოს სამუშაო გამოცდილება 2009 წლიდან უკავშირდება როგორც საერთაშორისო და ადგილობრივ იურიდიულ ფირმებს, ისე, კერძო, საჯარო და საერთაშორისო ორგანიზაციებს. ის 2015 წლიდან მოწვეული ლექტორია საქართველოს სხვადასხვა უნივერსიტეტის იურიდიულ ფაკულტეტზე. ვეკომ 2011-2012 წლებში დაასრულა DAAD-ისა და პოსტსდამის უნივერსიტეტის ერთობლივი პროგრამა „კონფლიქტის გადაჭრა და მედიაცია“ (120 საათი), რომელსაც 2012-2014 წლებში ფასილიტაციას უწევდა თბილისსა და ერევანში. მან ასევე გაიარა გაეროს განვითარების პროგრამისა და ევროკავშირის მიერ ორგანიზებული 56 საათიანი მედიატორთა სასერტიფიკატო ტრენინგი, რის შემდგომაც გაეროს განვითარების პროგრამის მედიაციის მიმართულების ექსპერტის პოზიციას იკავებდა. ის 2018 წლიდან გახლავთ თბილისის საქალაქო სასამართლოს აკრედიტებული მედიატორი, საქართველოს მედიატორთა ასოციაციის ეთიკის კომისიის მოქმედი წევრი, აკრედიტებული ტრენერი და შემფასებელი, ორგანიზაცია RESOLVE-ის მედიატორთა ტრენინგების ტრენერი და საქართველოს საერთაშორისო საარბიტრაჟო ცენტრის (GIAC) მედიატორი და ფასილიტატორი. ვეკო 2024 წლიდან გახლავთ საქართველოს არბიტრთა ასოციაციის (GAA) წევრი. ვეკო ამჟამად თბილისის სახელმწიფო უნივერსიტეტის დოქტორანტია საერთაშორისო საინვესტიციო სამართლის მიმართულებით. მას მოპოვებული აქვს საერთაშორისო სამართლის და ბაკალავრის ხარისხი თბილისის სახელმწიფო უნივერსიტეტში. მისი აკადემიური განათლება ასევე უკავშირდება ვილნიუსის სახელმწიფო უნივერსიტეტს და ბერლინის, Hertie School of Governance-ის იურიდიულ სასერტიფიკაციო პროგრამას.

თამარ იაშვილი არის შპს Sky Group Enterprises-ის იურისტი. თამარის სპეციალიზაციაა სახელშეკრულებო სამართალი, უზრუნველყოფილი გარიგებები, შრომის სამართალი, ინტელექტუალური საკუთრების სამართალი, ზოგადი სამეწარმეო, სამოქალაქო და ადმინისტრაციული სამართალი. თამარის იურიდიული პრაქტიკა დაკავშირებულია სასამართლო და საარბიტრაჟო დავებში კლიენტების წარმომადგენლობასთან, ასევე, სამართლებრივი დასკვნებისა და სხვა იურიდიული დოკუმენტაციის მომზადებასთან. თამარი არის საქართველოს უნივერსიტეტის მიწვეული ლექტორი და ეწევა საგანმანათლებლო საქმიანობას ბაკალავრიატის სტუდენტებისათვის. თამარი ფლობს მაგისტრის ხარისხს სამართალმცოდნეობაში საქართველოს უნივერსიტეტის სამართლის სკოლიდან, ხოლო ბაკალავრის ხარისხი მიღებული აქვს თბილისის სახელმწიფო უნივერსიტეტიდან. მას აქვს მონაწილეობა მიღებული არაერთ საერთაშორისო კონკურსში. თამარი არის საქართველოს ადვოკატთა ასოციაციის წევრი.

თამარ მორჩილაძე არის მსოფლიო ბანკის Doing Business პროექტის კონსულტანტი (ვაშინგტონი, აშშ), სახელმწიფო შესყიდვების სფეროში დადებული ხელშეკრულებების კუთხით. 2010-2011 წლებში თამარი მუშაობდა საქართველოს სახალხო დამცველის აპარატის მართლმსაჯულების დეპარტამენტში, მთავარ სპეციალისტად სამოქალაქო და პოლიტიკური უფლებების კუთხით, ხოლო შემდეგ საქართველოს სახალხო დამცველის მრჩევლად. 2013-2014 წლებში, თამარი მუშაობდა იურისტის თანაშემწედ იურიდიული კომპანია Dechert LLP-ს თბილისის ოფისში. 2015-2019 წლებში თამარი მუშაობდა იურიდიულ კომპანია BGI Legal-ის იურისტად. თამარი უწევდა კლიენტებს კონსულტაციას პროექტის ფინანსირების გარიგებების კუთხით. მისი საქმიანობის სფერო ასევე მოიცავდა საკორპორაციო და კომერციულ სამართალს. 2020 წელს თამარი იყო საერთაშორისო არბიტრის, ჩარლზ ბრაუერის სტიპენდიანტი და ეხმარებოდა არბიტრს სხვადასხვა საინვესტიციო დავების განხილვისას (ICSID-ის წინაშე მიმდინარე დავები). 2017-2018 წლებში, თამარი იყო მოწვეული ლექტორი „თავისუფალ უნივერსიტეტში“, იურიდიულ ფაკულტეტზე და კითხულობდა შესავალ კურსს საერთაშორისო კომერციულ არბიტრაჟში. იგი არის კომერციულ არბიტრაჟში საქართველოს არბიტრთა ასოციაციის სასწავლო პროგრამის პირველი და მეორე მოდულების თანაავტორი. თამარი ასევე არის სააპელაციო სასამართლოების მოსამართლეთათვის არბიტრაჟში გზამკვლევის თანაავტორი. თამარი ფლობს ჯორჯ ვაშინგტონის უნივერსიტეტის (ვაშინგტონი, აშშ) სამართლის მაგისტრის დიპლომს შედარებით საერთაშორისო სამართალში, საერთაშორისო დავების მოგვარების, არბიტრაჟისა და მედიაციის სპეციალიზაციით; ოსლოს უნივერსიტეტის (ოსლო, ნორვეგია) სამართლის მაგისტრის დიპლომს საერთაშორისო ეკონომიკურ სამართალში; ი. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამართლის მაგისტრის დიპლომს საერთაშორისო საჯარო სამართალში და ამავე უნივერსიტეტის სამართალმცოდნეობის ბაკალავრის დიპლომს. თამარი ასევე არის საერთაშორისო არბიტრაჟის აკადემიის (პარიზი, საფრანგეთი) და პიტსბურგის და ზაგრების უნივერსიტეტების მიერ ორგანიზებული კომერციული სამართლისა და არბიტრაჟის საზაფხულო სკოლის (ზაგრები, ზადარი, ხორვატია) კურსდამთავრებული. 2021 წლიდან თამარი ასევე არის საქართველოს მედიატორთა ასოციაციის წევრი.

აქვს უმაღლესი იურიდიული განათლება, 2003 წელს წარჩინებით დაამთავრა საქართველოს ტექნიკური უნივერსიტეტის ჰუმანიტარულ ტექნიკური ფაკულტეტი, სპეციალობით სამართალმცოდნეობა. ამჟამად არის აღმოსავლეთ ევროპის უნივერსიტეტის დოქტორანტი საგადასახდო სამართლის მიმართულებით. ეწევა აკადემიურ საქმიანობას, არის სხვა და სხვა სასწავლო დაწესებულებებში მიწვეული ლექტორი და ტრენერი. გარდა საადვოკატო საქმიანობისა, არის დავების განმხილველი ცენტრის არბიტრი, საქართველოს ადვოკატთა ასოციაციის წევრი, ასევე საქართველოს ადვოკატები დამოუკიდებელი პროფესიისთვის ბორდის წევრი. თეონა კუპრეიშვილის სამუშაო გამოცდილება მოიცავს როგორც სხვა და სხვა საჯარო დაწესებულებებს, ასევე დიდ, საშუალო თუ მცირე ორგანიზაციებს, სადაზღვევო თუ საბანკო სფეროში შესაბამის დარგში მენეჯერულ პოზიციებს, არასამთავრობო ორგანიზაციებს და საადვოკატო-საკონსულტაციო კომპანიებს. თეონა კუპრეიშვილის ამჟამად, კერძოდ კი 2019 წლიდან არის აღმოსავლეთ ევროპის უნივერსიტეტის მიწვეული ლექტორი სადაზღვევო სამართლის მიმართულებით. თეონა კუპრეიშვილის როგორც იურისტის საქმიანობის სფერო მოიცავს: ადმინისტრაციული სამართალი; სახელმწიფო შესყიდვების სამართალი; სამოქალაქო სამართალი; სამეწარმეო სამართალი; სადაზღვევო სამართალი ; საბანკო სამართალი; კონკურენციის სამართალი.

თინათინი იურიდიული ფირმა VBAT-ის უფროსი იურისტია. მისი საქმიანობა მოიცავს სხვადასხვა ტიპის ადგილობრივი თუ საერთაშორისო კერძოსამართლებრივი ტრანსაქციების მომზადებას, აგრეთვე, სამართლებრივი დოკუმენტებისა (მათ შორის, სამართლებრივი დასკვნების) და დავის გადაწყვეტის სტრატეგიების შემუშავებას. წლების განმავლობაში, თინათინი წარმოადგენს კლიენტებს როგორც მოლაპარაკებებზე, ისე სასამართლოსა და არბიტრაჟში. მისი სამართლებრივი მხარდაჭერით, საქართველოს ბაზარზე შემოვიდა არაერთი უცხოური წარმოება. თინას ასევე აქვს მდიდარი გამოცდილება უცხო ქვეყნის სასამართლო გადაწყვეტილებების საქართველოში ცნობა-აღსრულებისა და არამართლზომიერად გადაადგილებული/დაკავებული არასრულწლოვნების დაბრუნების საქმეებზე. თინათინმა ბაკალავრის ხარისხი წარჩინებით მოიპოვა თბილისის სახელმწიფო უნივერსიტეტის იურიდიული ფაკულტეტიდან. მან წარჩინებითვე დაასრულა ამავე უნივერსიტეტის სამაგისტრო პროგრამა კერძო სამართლის მიმართულებით. თინათინმა ასევე მიიღო ადამიანის უფლებათა საერთაშორისო სამართლის მაგისტრის (LL.M) ხარისხი ესექსის უნივერსიტეტიდან (დიდი ბრიტანეთი). ვრცელი საადვოკატო პრაქტიკის პარალელურად, თინა აქტიურად ჩაბმულია აკადემიურ საქმიანობაში. იგი ადამიანის უფლებათა ევროპული სასამართლოს პრეცედენტული სამართლის არაერთი კვლევის ავტორია. თინათინი ასევე ჩართულია საკანონმდებლო პროცესებში, მათ შორის, სამოქალაქო საპროცესო კოდექსის ცვლილებებზე მომუშავე პრაქტიკოსთა ჯგუფში.

ია გოლეთიანი არის IG Law Office-ის პარტნიორი. იას აქვს სასამართლოებში მუშაობის მრავალწლიანი გამოცდილება, მათ შორის, უზენაეს სასამართლოში სამოქალაქო საქმეთა პალატის მთავარ კონსულტანტად მუშაობის შვიდწლიანი გამოცდილება, სადაც მისი პრაქტიკა მოიცავდა, მათ შორის, საქართველოს ფარგლებს გარეთ გამოტანილი საარბიტრაჟო გადაწყვეტილების ცნობასა და აღსრულებასთან დაკავშირებულ კონსულტირებას. მონაწილეობა აქვს მიღებული არბიტრაჟთან დაკავშირებულ არაერთ ტრენინგსა და კონფერენციაში. ია ფლობს მაგისტრის ხარისხს (honors) ამერიკის, საერთაშორისო და ტრანსნაციონალურ სამართალში ჩიკაგო-კენტის სამართლის სკოლიდან (ილინოისის ტექნოლოგიური ინსტიტუტი), გავლილი აქვს ამერიკული სამართლის სკოლის ერთწლიანი სასერტიფიკატო პროგრამა საერთაშორისო ბიზნეს სამართალში, ფლობს მაგისტრის ხარიხს სამართალში ივ. ჯავახიშვილის სახელობის თბილისის სახელმწიფო უნივერსიტეტიდან და იურისტის დიპლომს ამავე უნივერსიტეტიდან.

იამზე ლეგაშვილი არის საქართველოს არბიტრთა ასოციაციის დამფუძნებელი წევრი. იამზეს გამოცდილება მოიცავს არბიტრობას DRC-ის წესებით. ამ დავებში იამზე მოქმედებდა როგორც ერთპიროვნული არბიტრი, ისევე როგორც ტრიბუნალის თავმჯდომარე. იამზე არის DRC-ის სასამართლოს თვმჯდომარე. იამზე ასევე ახორციელებს საადვოკატო საქმიანობას სამოქალაქო, სამეწარმეო და ადმინისტრაციულ სამართალში.

ირაკლი გელოვანი არის საერთაშორისო საკონსულტაციო კომპანია Deloitte-ის სამართლებრივი მრჩეველი. არბიტრაჟში მისი გამოცდილება მოიცავს მხარეთა კონსულტაციას სხვადასხვა საარბიტრაჟო წესების მიხედვით. ირაკლი არის შენჟენის საერთაშორისო საარბიტრაჟო სასამართლოს წევრი არბიტრი. იგი ეწევა აქტიურ პრაქტიკას როგორც მედიატორი, ძირითადად კომერციული და სამომხმარებლო დავების მიმართულებით. ირაკლის გამოცდილება ასევე მოიცავს ლექციების კითხვის პრაქტიკას საერთაშორისო არბიტრაჟის მიმართულებით. ირაკლი ფლობს მაგისტრის ხარისხს საერთაშორისო დავების მოგვარების სპეციალობით ჟენევის უნივერსიტეტიდან, მაგისტრის ხარიხს ევროკავშირის სამართალში ლატვიის უნივერსიტეტიდან და მაგისტრთან გათანაბრებულ ხარიხს საერთაშორისო სამართალში თბილისის სახელმწიფო უნივერსიტეტიდან. იგი არის სხვადასხვა საერთაშორისო საარბიტრაჟო პროფესიული გაერთიანებების წევრი.

ირაკლი ცანკაშვილი იურიდიული ფირმა JUSTICE LEAGUE -ის დამფუძნებელი პარტნიორია. ირაკლი არის მრავალწლიანი სამუშაო გამოცდილების მქონე იურისტი. მისი სპეციალიზაციაა ზოგადი სამოქალაქო სამართალი, ვალდებულებითი სამართალი, სამოქალაქო საპროცესო სამართალი, სახელშეკრულებო სამართალი, უზრუნველყოფილი გარიგებები, ზოგადი სამეწარმეო და შრომის სამართალი, ასევე სასაქონლო ნიშნების, საავტორო და მომიჯნავე უფლებების, მაუწყებლობისა და კომუნიკაციების შესახებ სამართალი. ირაკლის გამოცდილება შედგება სასამართლოსა და საარბიტრაჟო დავებში კლიენტთა წარმომადგენლობით და მოცემულ საკითხებზე კონსულტაციების გაწევით. მისი იურიდიული პრაქტიკა აერთიანებს ათეულობით მილიონი ლარის ღირებულების წარმატებით დასრულებულ დავებს. იგი ხელმძღვანელობას უწევს კლიენტი კომპანიებისათვის იურიდიული (Outsource) მომსახურებას კომპანიების საქმიანობის, სახელშეკრულებო ურთიერთობების კანონმდებლობასთან შესაბამისობის ნაწილში. ირაკლის გავლილი აქვს საქართველოს არბიტრთა ასოციაციის აკრედიტაციის ორი მოდული. ირაკლი საქართველოს ადვოკატთა ასოციაციის წევრია 2017 წლიდან. ადვოკატთა ასოციაციის მენტორი ადვოკატია 2021 წლიდან. 2022 წლიდან არის საქართველოს არბიტრთა ასოციაციის აკრედიტებული წევრი.

ირინა ჩანქსელიანი ფლობს მაგისტრის ხარისხს საერთაშორისო დავების გადაწყვეტაში ჟენევის უნივერსიტეტიდან, მაგისტრის ხარისხს კავკასიის უნივერსიტეტის სამართლის სკოლიდან და ბაკალავრის ხარისხს საერთაშორისო ბიზნეს სამართალში, ივ. ჯავახიშვილის სახელობის თბილისის სახელმწიფო უნივერსიტეტიდან. ამ ეტაპზე ირინა უძღვება საერთაშორისო პროექტების მიმართულებას არასამეწარმეო ორგანიზაციაში „საქართველოს ადვოკატები დამოუკიდებელი პროფესიისათვის“ და აქვს მრავალმხრივი კერძო პრაქტიკა, მათ შორის საარბიტრაჟო. როგორც საქართველოს იუსტიციის სამინისტროს საერთაშორისო არბიტრაჟის სახელმწიფო წარმომადგენლობის დეპარტამენტის მრჩეველი, მისი გამოცდილება მოიცავს საერთაშორისო საინვესტიციო საარბიტრაჟო საქმეების კოორდინაციას, საქართველოს წინააღმდეგ არსებულ საარბიტრაჟო დავებში, რომელშიც საქართველოს მთავრობა გამოდის როგორც მოპასუხე მხარე. მას ასევე ეკავა კომუნიკაციებისა და სამართლებრივი პროექტების მენეჯერის თანამდებობა დავების განმხილველ ცენტრში. იგი აქტიურად მონაწილეობდა სრულმასშტაბიანი იურიდიული პროექტების შემუშავების პროცესში, შიდა საარბიტრაჟო წესებში ცვლილებების შეტანის ინიცირებაში, გახლდათ „არბიტრაჟის შესახებ“ საქართველოს კანონში შესატანი ცვლილებების სამუშაო ჯგუფის წევრი და ასევე „სადაზღვევო არბიტრაჟისა“ და „ონლაინ საარბიტრაჟო წარმოების“ პროექტების ავტორი. იგი ასევე იყო საქართველოს ადვოკატთა ასოციაციის დავების გადაწყვეტის კომიტეტის წევრი, ასევე, ჰააგის „საერთაშორისო კომერციული არბიტრაჟის საერთაშორისო საბჭო“-ს მიერ ორგანიზებული საერთაშორისო მენტორული პროგრამის 2018-2019 წლის პროექტის მკვლევარი, ფრანგი პროფესორის - ფილიპ ლებულანჟერის ჯგუფში. ირინა არის სხვადასხვა პროფესიული ასოციაციების წევრი, მათ შორის. საქართველოს არბიტრთა ასოციაციის, ICC YAF, Young ICCA, LCIA YIAG, Young ISTAC, RAA 40, ASA Below 40, და სხვ.

ლაშა აბაშიძე ამჟამად არის ბრიტანული უნივერსიტეტის იურიდიული დეპარტამენტის ხელმძღვანელი და მოწვეული ლექტორი. აგრეთვე, ის ეწევა აქტიურ საადვოკატო საქმიანობას სამოქალაქო და ადმინისტრაციული სამართლის მიმართულებით. ლაშამ მნიშვნელოვანი იურიდიული გამოცდილება დააგროვა კერძო სექტორში მუშაობით, უძრავი ქონების, მომსახურების, ფინანსებისა და განათლების მიმართულებით. გარდა ამისა, ლაშას გავლილი აქვს პრაქტიკა გაეროს საერთაშორისო სავაჭრო სამართლის კომისიაში (UNCITRAL). ზოგადი ბიზნესისა და კომერციული სამართლის სპეციალიზაციით, მისი ექსპერტიზა მოიცავს საერთაშორისო ვაჭრობის სამართალს, ინტელექტუალური საკუთრების სამართალს, სახელშეკრულებო სამართალსა და დავის გადაწყვეტის ალტერნატიულ მეთოდებს (არბიტრაჟი და მედიაცია). ლაშა ფლობს თბილისის სახელმწიფო უნივერსიტეტის სამართლის ბაკალავრის ხარისხს, რომლის შემდეგაც სწავლა გააგრძელა თბილისის თავისუფალ უნივერსიტეტში, ხოლო შემდეგ, ვენის სახელმწიფო უნივერსიტეტში (University of Vienna) ევროპული და საერთაშორისო ბიზნესის სამართლის მიმართულებით. ლაშა არის საქართველოს ადვოკატთა ასოციაციისა და საქართველოს არბიტრთა ასოციაციის აკრედიტირებული წევრი.

ლაშა არველაძე არის COCAZ LEGAL-ის დამფუძნებელი პარტნიორი და ამავდროულად კომპანია რეფორმატიკსის იურიდიული სამსახურის უფროსი. ლაშას გამოცდილება მოიცავს დავის არბიტრაჟში წარმოებას ICSID, ICC, LCIA და SCC წესების შესაბამისად სადაც იგი მოქმედებდა როგორც კონკრეტული მხარის წარმომადგენელი და ინტერესების დამცველი. ლაშა ეწევა საგანმანათლებლო საქმიანობას როგორც სტუდენტებისთვის, ისე პრაქტიკოსი იურისტებისთვის. იგი არის საქართველოს ადვოკატთა ასოციაციის წევრი და ტრენერი. ლაშა ფლობს ჯორჯ ვაშინგტონის უნივერსიტეტის მიერ მინიჭებულ მაგისტრის ხარიხს საერთაშორისო საჯარო და შედარებით სამართლის მიმართულებით და ასევე ჯორჯთაუნის უნივერსიტეტის მიერ მინიჭებულ მაგისტრის ხარიხს საერთაშორისო ბიზნეს და ეკონომიკის სამართალში.

ლევან კუტუბიძე ლევან კუტუბიძე არის მრავალწლიანი სამუშაო გამოცდილების მქონე იურისტი, ადვოკატი. მისი სამუშაო გამოცდილება მოიცავს ადმინისტრაციულ ორგანოსა და კერძო სექტორში მუშაობას. მისი სპეციალიზაციაა ზოგადი სამოქალაქო და ადმინისტრაციული სამართალი, სამეწარმეო სამართალი, შრომის სამართალი, სახელმწიფო შესყიდვების სამართალი. ლევანის გამოცდილება შედგება სასამართლოსა და საარბიტრაჟო დავებში კლიენტთა წარმომადგენლობით და მოცემულ საკითხებზე კონსულტაციების გაწევით. იგი ხელმძღვანელობას უწევს კლიენტი კომპანიებისათვის იურიდიულ (Outsource) მომსახურებას კომპანიების საქმიანობის, სახელშეკრულებო ურთიერთობების კანონმდებლობასთან შესაბამისობის ნაწილში და უზრუნველყოფს მათი ინტერესების დაცვას სასამართლოში, არბიტრაჟსა თუ ადმინისტრაციულ ორგანოებში. ლევანი ფლობს სამართლის მაგისტრის ხარიხს აღმოსავლეთ ევროპის სასწავლო უნივერიტეტიდან, იურისტის დიპლომს შოთა რუსთაველის სახელმწიფო უნივერსიტეტიდან, ასევე მას გავლილი აქვს ლეიდენის უნივერსიტეტის (ნიდერლანდები) კურსი „სართაშორისო დავების არბიტრაჟი“. იგი არის საქართველოს ადვოკატთა ასოციაციის წევრი 2018 წლიდან.

ლევან ნანობაშვილი იურიდიული კომპანია NB Legal-ის მმართველი პარტნიორია. იგი არის ადვოკატი და პატენტრწმუნებული. ლევანი მუშაობს პროექტების დაფინანსების, სახელშეკრულებო სამართლის, სამოქალაქო სამართლის, ინტელექტუალური საკუთრების სამართლის და ინტერნეტის რეგულირების საკითხებზე. იგი არის დავების განმხილველი ცენტრის (DRC) სასამართლოს წევრი და საქართველოს არბიტრთა ასოციაციის ეთიკის კომისიის წევრი. ლევანი ასწავლის ინტერნეტის სამართალს და ინტელექტუალური საკუთრების სამართალს საქართველოს უნივერსიტეტში და საქართველოს საზოგადოებრივ საქმეთა ინსტიტუტში. ლევანი ფლობს სამართლის მაგისტრის ხარისხს მიჩიგანის სახელმწიფო უნივერსიტეტიდან (აშშ), სადაც იგი სწავლობდა აშშ-ს სახელმწიფო დეპარტამენტის ე. მასკის სახელობის სტიპენდიით. ასევე, იგი ფლობს მაგისტრის ხარისხს ცენტრალური ევროპის უნივერსიტეტიდან (უნგრეთი) და სამართალმცოდნის დიპლომს თბილისის სახელმწიფო უნივერსიტეტიდან.

ლელა ბასილაია არის იურისტი და მუშაობს საერთაშორისო იურიდიულ ფირმა Dentons Georgia-ში. მისი სამუშაო გამოცდილება მოიცავს საქართველოს საერთაშორისო საარბიტრაჟო ცენტრში (GIAC) და იუსტიციის სამინისტროში მუშაობას. ლელა არის ბიზნეს ტექნოლოგიების უნივერსიტეტის (BTU) მოწვეული ლექტორი. ლელას მოპოვებული აქვს თბილისის სახელმწიფო უნივერსიტეტის ბაკალავრის და ნიუ ვიჟენ უნივერსიტეტისა და Chicago-Kent College of Law-ს მაგისტრის ხარისხი.

მაია ბაქრაძეს აქვს სასამართლოებში, ხოლო თოთხმეტი წელი ადვოკატის გამოცდილება – ადმინისტრაციული და სამოქალაქო სამართლის მიმართულებით, აქვს სპეციალიზაცია არასრულწლოვანთა საქმეებში. პრაქტიკულ საქმიანობასთან ერთად, კითხულობდა ლექციებს სამოქალაქო საპროცესო სამართალში საქართველოს უნივერსიტეტში, ასევე არის საქართველოს ადვოკატთა ასოციაციის მოწვეული ტრენერი. აქვს სამართლებრივი დასკვნების მომზადების, საარბიტრაჟო დავაში არბიტრად მონაწილეობის გამოცდილება. საექსპერტო საქმიანობის ფარგლებში მას ასევე აქვს, მართლმსაჯულების ადმინისტრირების მიმართულებით კანონმდებლობის კვლევის გამოცდილება. გერმანიის თანამშრომლობის საზოგადოების დაკვეთით მუშაობდა სამოქალაქო საპროცესო კოდექსის ცვლილებების პროექტსა და სახელმძღვანელოზე მოსამართლეთათვის „გადაწყვეტილების შედგენის ტექნიკა“. მაია ბაქრაძე არის თანაავტორი წიგნისა „სახელმძღვნელო მოსამართლეთათვის „მაგისტრატ მოსამართლეთა განსჯად საქმეთა განხილვის თავისებურებები ადმინისტრაციულ სამართალწარმოებისას“ (გამოცემული საქართველოს უზენაესი სასამართლოს მიერ), პრაქტიკული სახელმძღვანელოსი პროკურორებისა და მოსამართლეებისათვის „მართლმსაჯულებისადმი ქალთა ხელმისაწვდომობის უზრუნველყოფა" (ევროსაბჭოს პროექტის ფარგლებში), კვლევის „საქმეთა გაჭიანურების პრობლემა საქართველოს საერთო სასამართლოებში“

მაკა თოდუა არის იურიდიული კომპანია შპს ნოდია, ურუმაშვილი და პარტნიორების უფროსი იურისტი. მაკას გამოცდილება მოიცავს საერთო და საკონსტიტუციო სასამართლოში მხარეთა წარმომადგენლობას, მათ შორის, კომერციულ, საკორპორაციო, საფინანსო, სამედიცინო, ინტელექტუალური საკუთრების, შრომით, უძრავ ქონებებთან დაკავშირებულ, გადახდისუუნარობის საქმისწარმოების და ადმინისტრაციულ დავებში. მაკას გააჩნია 17 წლიანი პროფესიული გამოცდილება საერთო სასამართლოების სისტემაში, სხვადასხვა თანამდებობზე. მაკა იყო მიწვეული ლექტორი შავი ზღვის საერთაშორისო უნივერსიტეტში, სამოქალაქო სამართალში, სამოქალაქო საპროცესო სამართალში, ადმინისტრაციულ სამართალში, ადმინისტრაციულ საპროცესო სამართალში; პროექტ ,,საზოგადოებრივი სასამართლოს“ სამუშაო ჯგუფების ტრენერი; პროექტ - სასამართლო მედიაციის სამუშაო ჯგუფის წევრი. ჩაბარებული აქვს მოსამართლის საკვალიფიკაციო გამოცდა სამოქალაქო და ადმინისტრაციული სამართლის მიმართულებით. არის ავტორი სტატიისა - გარემოსთვის მიყენებული ზიანი (ზიანის მიყენების საფრთხის შექმნა), როგორც ზიანის ანაზღაურების მოთხოვნის საშუალება. მაკა ფლობს მაგისტრთან გათანაბრებულ ხარისხს და ამჟამად არის აღმოსავლეთ ევროპის უნივერსიტეტის დოქტორანტი საჯარო სამართლის მიმართულებით. იგი არის საქართველოს არბიტრთა ასოციაციის (GAA) აკრედიტირებული წევრი, ამავე ასოციაციის დისციპლინური კომიტეტის წევრი, დავების განმხილველი ცენტრის (DRC) არბიტრი და საქართველოს ადვოკატთა ასოციაციის (GBA) წევრი. მაკა ფლობს ინგლისურ, რუსულ და ქართულ ენებს.

მარიამ სხულუხია საქართველოს ადვოკატთა ასოციაციის წევრი, სამოქალაქო სპეციალიზაციის ადვოკატი. 2023 წლიდან საქართველოს მედიატორთა ასოციაციის წევრი/მედიატორი. უმაღლესი განათლება საქართველოს უნივერსიტეტში აქვს მიღებული, ფლობს ინგლისურენოვანი საერთაშორისო ბიზნეს სამართლის მაგისტრის დიპლომს. მონაწილეობა აქვს მიღებული მსოფლიო სავაჭრო ორგანიზაციის საერთაშორისო შეჯიბრში (The John H. Jackson Moot Court Competition) ჩეხეთი. 2017-2018 წლებში გაიარა სტაჟირება თბილისის საქალაქო სასამართლოში, სამოქალაქო საქმეთა კოლეგიაში. 2019-2020 წლებში მუშაობდა ერთ-ერთ საერთაშორისო კომპანიაში იურიდიული კონსულტანტის პოზიციაზე ბინადრობისა და მოქალაქეობის საკითხებთან დაკავშირებით. ამჟამად არის ჩარგეიშვილის საადვოკატო დარბაზის იურისტი და აუთსორსულ მომსახურებას უწევს შემდეგ კომპანიებს: შპს „კანი“, შპს „კანი ესთეტიკ“. 2018 წელს მარიამმა მონაწილეობა მიიღო კონსენსუალური დავის გადაწყვეტის საერთაშორისო კონკურსში (Consensual Dispute Resolution Competition), ავსტრია. გავლილი აქვს თბილისის სახელმწიფო უნივერსიტეტის (TSU) დავის ალტერნატიული გადაწყვეტის ეროვნული ცენტრის (NCADR) 60 საათიანი მედიაციის სასერტიფიკატო ტრენინგი; ილიას სახელმწიფო უნივერსიტეტის ERASMUS + პროექტის Mediation: training and society transformation/MEDIATS ტრენინგი „მედიატორის უნარ-ჩვევები.” გამოქვეყნებული აქვს ინგლისურენოვანი სამაგისტრო ნაშრომი “ონლაინ მედიაციის განვითარება საქართველოში კომერციული დავებისთვის”. ასევე გამოქვეყნებული აქვს არაერთი ინგლისურენოვანი სტატია უცხოურ ჟურნალებსა თუ წიგნებში. გავლილი აქვს არბიტრთა ასოციაციის არბიტრაჟის საბაზისო კურსი, აკრედიტირებული საქართველოს ადვოკატთა ასოციაციის მიერ.

ნანა თოფურია წამოადგენს იურიდიული ფირმა „ელ ფი ეის“ (LPA Law Firm) უმცროს იურისტს, რომელსაც აქვს ტრანზაქციებსა და კომპლექსურ გარიგებებზე მუშაობისა და საერთო სასამართლოებში წარმომადგენლობის გამოცდილება. არბიტრაჟში მისი მონაწილეობა მოიცავს საარბიტრაჟო სარჩელებისა თუ შესაგებლების მომზადებასა და კლიენტთა წარმომადგენლობას ტრიბუნალის წინაშე. ამასთან, დაცული აქვს სამაგისტრო ნაშრომი თემაზე - „არბიტრაჟის პროცესის მონაწილის მიმართ გადახდისუუნარობის საქმისწარმოების გახსნა“. ნანა ფლობს კერძო სამართლის მაგისტრის ხარისხს თბილისის თავისუფალი უნივერსიტეტიდან და სამართლის ბაკალავრის ხარისხს ივანე ჯავახიშვილის სახელობის თბილისის სახელმწიფო უნივერსიტეტიდან (წარჩინების დიპლომი). არბიტრთა ასოციაციის წევრობასთან ერთად იგი არის საქართველოს ადვოკატთა ასოციაციის წევრი, კერძოდ, მოპოვებული აქვს საერთო სპეციალიზაცია სამოქალაქო, ადმინისტრაციული და სისხლის სამართლის მიმართულებით. ამჟამად, განზრახული აქვს მოიპოვოს ბავშვის უფლებათა დაცვის სფეროში დამატებითი სპეციალიზაცია და ამასთან, რეგისტრირებულია მედიატორთა აკრედიტებულ სასერტიფიკატო პროგრამაზე.

ნინა ჯავახიშვილი არის იურიდიული ფირმა „ლექს კონსალტინგ ჯგუფი“-ს (LCG) დამფუძნებელი და დირექტორი, სადაზღვევო კომპანია სს „ნიუ ვიჟენ დაზღვევა“-ს AML, სპეციალური რისკების და ხარისხის მართვის დეპარტამენტის უფროსი, მუდმივმოქმედი არბიტრაჟი „დავების განმხილველი ცენტრის“ (DRC) არბიტრი და ამავდროულად საქართველოს არბიტრთა ასოციაციის (GAA) დამფუძნებელი/წევრი. ნინა ჯავახიშვილის გამოცდილება მოიცავს არბიტრობას DRC-ის წესებით. ამ დავებში ნინა ჯავახიშვილი მოქმედებდა, როგორც ერთპიროვნული არბიტრი, ასევე, როგორც ტრიბუნალის თანაარბიტრი/წევრი-არბიტრი. ნინა ჯავახიშვილი ეწევა აქტიურ პრაქტიკას, როგორც იურისტი, ძირითადად კომერციული (განსაკუთრებით დავები საბანკო/მიკროსაფინანსო და სადაზღვევო სფეროში) და შრომითი/ადმინისტრაციული დავების მიმართულებით. მას გააჩნია სადაზღვევო კომპანიების სხვადასხვა დეპარტამენტში (იურიდიული, ქონებრივი ზარალების დარეგულირება, ფინანსური მონიტორინგი, სპეციალური რისკები, მომხმარებელთა უფლების დაცვა, შრომის უსაფრთხოება და სხვა) ხელმძღვანელ თანამდებობებზე მრავალწლიანი მუშაობის გამოცდილება. ნინა ჯავახიშვილი ფლობს სამართალმცოდნის დიპლომს (წარჩინებით) ი. ჯავახიშვილის სახელობის თბილისის სახელმწიფო უნივერსიტეტიდან.

ნინო არის „BlueOrchard Finance Ltd“-ის იურისტი ინვესტიციების განხორციელების მიმართულებით. აღნიშნული გულისხმობს კომპანიის საინვესტიციო გუნდთან და შესაბამის ფინანსურ ინსტიტუტებთან (კლიენტებთან) კოორდინაციის გზით სასესხო ინვესტირების პროექტების სტრუქტურიზებას და ასევე ტრანზაქციების განხორციელებას შესაბამისი რეგიონის მასშტაბით, რაც მოიცავს ევროპისა და აზიის ქვეყნებს. ნინოს ასევე აქვს იურიდიულ კომპანია „BLC”-ში მუშაობის 7 წლიანი გამოცდილება, სადაც მისი იურიდიული პრაქტიკა მოიცავდა კლიენტებისათვის სამართლებრივი კონსულტაციის გაწევას სხვადასხვა კომპლექსურ საკითხებზე, მათ შორის საკორპორაციო და კომერციული სამართლის, პროექტების ფინანსირების, ასევე შრომითი სამართლის მიმართულებით. ნინო არის მოწვეული ლექტორი თავისუფალი უნივერსიტეტის იურიდიულ ფაკულტეტზე და კითხულობს შესავალ კურსს საერთაშორისო კომერციულ არბიტრაჟში. ნინო ფლობს მაგისტრის ხარისხს ოსლოს უნივერსიტეტის სამართლის სკოლიდან, მაგისტრის ხარიხს კერძო სამართალში თბილისის სახელმწიფო უნივერსიტეტიდან და იურისტის დიპლომს თბილისის სახელმწიფო უნივერსიტეტიდან. ნინო 2011 წლიდან არის საქართველოს ადვოკატთა ასოციაციის წევრი. ასევე, 2019 წელს გავლილი აქვს საქართველოს არბიტრთა ასოციაციის აკრედიტაციის კურსი.

ნინო სუქნიძე იურიდიული კომპანია „სუქნიძე და პარტნიორების“ მმართველი პარტნიორია და საქართველოს სავაჭრო-სამრეწველო პალატის საპატიო ვიცე-პრეზიდენტი. მას აქვს ქართულ ბაზარზე ბიზნეს სამართლის მიმართულებით მუშაობის 18-წლიანი გამოცდილება და საუკეთესო რეპუტაციით სარგებლობს როგორც ქართველ ისე უცხოელ კლიენტებთან. ნინოს საქმიანობა მოიცავს საფინანსო, საბანკო, კაპიტალის ბაზრის, საკორპორაციო, შრომის, ტელეკომუნიკაციების, ენერგეტიკის და სხვა სფეროებს და მას აქვს როგორც ტრანზაქციებზე მუშაობის ასევე დავებში წარმომადგენლობის დიდი გამოცდილება. იურიდიული კომპანიის დაფუძნებამდე ნინო იყო საქართველოს ბანკის გენერალური მრჩეველი, მანამდე კი წლების მანძილზე იყო საერთაშორისო იურიდიული კომპანია DLA Piper საქართველოს უფროსი ადვოკატი და იურიდიული დირექტორი და საერთაშორისო იურიდიული კომპანია Dentons Georgia-ს იურიდიული მრჩეველი. საკონსულტაციო სფეროში მუშაობის დაწყებამდე ნინო იყო საქართველოს გაერთიანებული სადისტრიბუციო ენერგოკომპანიის ფინანსური დირექტორის მრჩეველი იურიდიულ საკითხებში და PA Consulting Group Gmbh-ს საქართველოს წარმომადგენლობის უფროსი იურიდიული მრჩეველი. მას ასევე აქვს არასამთავრობო ორგანიზაციებში მუშაობის რამდენიმეწლიანი გამოცდილება და გავლილი აქვს სტაჟირება სხვადასხვა იურიდიულ ფირმაში აშშ-სა და ჰოლანდიაში. ნინო არის როტერდამის ერასმუსის უნივერსიტეტის მაგისტრი (LL.M cum laude) ბიზნეს და სავაჭრო სამართალში და წარჩინებით აქვს დამთავრებული ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და ურთიერთობების ფაკულტეტი.

საქართველოს იუსტიციის სამინისტროში უფროს სპეციალისტად მუშაობისას ნინომ გამოცდილება მიიღო არბიტრაჟებსა და უცხო ქვეყნის სასამართლოებში სახელმწიფო წარმომადგენლობის კუთხით, როგორც მსხვილ საინვესტიციო და კომერციულ საარბიტრაჟო დავებში სახელმწიფო წარმომადგენლობის განმახორციელებელი საერთაშორისო იურიდიული ფირმების საქმიანობის კოორდინაციის, ასევე საქართველოს ფარგლებს გარეთ სახელმწიფოს სასარგებლოდ გამოტანილი საარბიტრაჟო გადაწყვეტილებების საქართველოს ტერიტორიაზე აღსრულების მიმართულებით. როგორც სსიპ იურიდიული დახმარების სამსახურის იურისტი, ნინო წარმოადგენდა ორმოცდაათზე მეტ მოწყვლად ბენეფიციარს საქართველოს საერთო სასამართლოებში ადმინისტრაციული და სამოქალაქო სამართლის კანონით გათვალისწინებული კატეგორიების სხვადასხვა საქმეზე. ნინო ასევე მუშაობდა იურისტის პოზიციაზე იურიდიულ კომპანიაში შპს „ნოდია, ურუმაშვილი და პარტნიორები.“ კერძო სექტორში მუშაობის პერიოდში იგი სამართლებრივ მხარდაჭერას უწევდა, ხოლო რიგ შემთხვევებში საერთო სასამართლოებში წარმოადგენდა, მსხვილ ადგილობრივ და საერთაშორისო კლიენტებს სახელშეკრულებო, სანივთო, საოჯახო, მემკვიდრეობითი, შრომისა და სამეწარმეო სამართლის სხვადასხვა საკითხთან დაკავშირებით. ნინო ფლობს მაგისტრის ხარისხს საერთაშორისო სავაჭრო და საინვესტიციო სამართალში ამსტერდამის უნივერსიტეტიდან, ხოლო ბაკალავრის ხარისხს კავკასიის უნივერსიტეტის სამართლის სკოლიდან, რომელიც წარჩინებით დაასრულა. ნინო არის საქართველოს არბიტრთა ასოციაციის (GAA) აკრედიტებული წევრი და საქართველოს ადვოკატთა ასოციაციის (GBA) წევრი.

ოთარ მაჩაიძე არის იურიდიული კომპანია „ჯეი ენდ თი ქონსალთინგის“ პარტნიორი. „თბილისის საარბიტრაჟო ინსტიტუტის“ საქმის წარმოების ხელმძღვანელი და „ი ბი ეი მედიაციისა და არბიტრაჟის ცენტრის“ არბიტრი, მედიატორი, GIPA-ს სამართლის და პოლიტიკის სკოლის ასოცირებული პროფესორი. ოთარს იურიდიული განათლება მიღებული აქვს ივ. ჯავახიშვილის სახელობის თბილისის სახელმწიფო უნივერსიტეტში 2009-2013 წლებში. 2015 წელს წარჩინებით დაასრულა ამავე უნივერსიტეტის სამაგისტრო პროგრამა კერძო სამართლის მიმართულებით. 2020 წელს კი წარმატებით დაიცვა სადოქტორო დისერტაცია და მიენიჭა სამართლის დოქტორის აკადემიური ხარისხი. 2014 წელს ოთარმა წარმატებით ჩააბარა ადვოკატთა საკვალიფიკაციო გამოცდა კერძო სამართლის მიმართულებით და გახდა საქართველოს ადვოკატთა ასოციაციის წევრი, რის შემდეგაც ეწევა აქტიურ საადვოკატო საქმიანობას და როგორც საქართველოში, ასევე მის ფარგლებს გარეთ, ახორცილებს კლინეტების ინტერესების წარმოდგენას სასამართლო, საარბიტრაჟო და სამედიაცო განხილვისას. ოთარს 2012 წლიდან გავლილი აქვს მედიაციის და დავის ალტერნატიული გადაწყვეტის არა ერთი ტრეინინგი და კურსი, მათ შორის NCADR-ის მედიაციის საზაფხულო სკოლა 2012 წ.) და CEDR-ის ToT მედიაციაში (2018 წ.). 2022 წლიდან არის საქართველოს მედიატორთა ასოციაციის მიერ აკრედიტირებული მედიატორი და ტრენერი. გარდა პრაქტიკული საქმიანობისა, ოთარ აქტიურადაა ჩართული აკადემიურ საქმიანობაში, გამოქვეყნებული აქვს არაერთი სამეცნიერო სტატია და მონოგრაფია: „უზრუნველყოფის ღონისძიებების გამოყენებისა და ცნობა-აღსრულების პირობები საარბიტრაჟო წარმოებისას“. ამასთან, 2016 წლიდან ეწევა პედაგოგიურ საქმიანობას, 2016-2019 წლებში იყო ივ. ჯავახიშვილის სახელობის თბილისის უნივერსიტეტის მედიაციის მოწვეული ლექტორი, 2020 წლიდან კი საქართველოს საზოგადოებრივი საქმეთა ინსტიტუტის (GIPA) სამართლისა და პოლიტიკის ფაკულტეტის ასოცირებულ პროფესორი კერძო სამართლის მიმართულებით.

ოლია სეფიაშვილი არის მუდმივმოქმედი არბიტრაჟის შპს „დავების განმხილველი ცენტრის“ არბიტრი. იგი 2011 წლიდან არის საქართველოს ადვოკატთა ასოციაციის წევრი. 2013 წლიდან არის საქართველოს არბიტრთა ასოციაციის დამფუძვნებელი წევრი და 2019 წლიდან არბიტრთა ასოციაციის მმართველი საბჭოს წევრი. ოლია სეფიაშვილმა 1984 წელს დაამთავრა თბილისის ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტი. 1986- 1991 წლებში მუშაობდა დედოფლისწყაროს რაიონის სახელმწიფო ნოტარიუსად. 1991-2001 წლებში მუშაობდა დედოფლისწყაროს რაიონის, ხოლო 2002-2011 წლებში ყვარელის რაიონული სასამართლოს მოსამართლედ. ოლია სეფიაშვილი მონაწილეობდა ტრენინგებში და მიღებული აქვს სერთიფიკატები სამოსამართლო ეთიკის, საარჩევნო სამართლის, წინასწარი პატიმრობის, ადვოკატთა პროფესიული ეთიკის, ადამიანის უფლებათა საერთაშორისო სტანდარტებისა და გასაჩივრების მექანიზმების, სისხლის სამართლის საქმეებზე სასამართლო გადაწყვეტილებების დასაბუთების, ადამიანის უფლებათა დაცვის საერთაშორისო და რეგიონული სტანდარტების საკითხებზე. აგრეთვე გავლილი აქვს სპეციალური მომზადების კურსი პედაგოგიკასა და ფსიქოლოგიაში არასრულწლოვანთა მართლმსაჯულების საკითხებზე. 2014 წელს მონაწილეობდა „საქართველოს არბიტრთა ეთიკის კოდექსზე“ მომუშავე ჯგუფში.

რუსა ჭკუასელი არის იურიდიული კომპანია „BLC“-ის უფროსი იურისტი, M&A, ბანკებსა და ფინანსირების მიმართულების ხელმძღვანელი. მისი საქმიანობის სფერო მოიცავს ბიზნეს და სამეწარმეო სამართალს, კორპორატიული ფინანსირების სამართალს, დავების განხილვას არბიტრაჟსა და სასამართლოში. რუსა 2009 წლიდან ეწევა იურიდიულ პრაქტიკას საქართველოში. იგი უწევს კლიენტებს კონსულტაციას საკორპორაციო და კომერციული სამართლის კომპლექსურ საკითხებში, საერთაშორისო ინვესტიციების სტრუქტურიზებაში, რუსას აქვს ფინანსურ, მათ შორის კაპიტალის ბაზრის გარიგებებზე მუშაობის გამოცდილება. იგი უწევს კლიენტებს წარმომადგენლობას სასამართლო დავებზე და აგრეთვე არბიტრაჟში. რუსას აქვს კომპლექსურ საერთაშორისო კომერციულ არბიტრაჟებში (ICC, SCC, LCIA) და ICSID-ში საინვესტიციო დავაზე მხარის წარმომადგენლობის გამოცდილება. რუსა არის მოწვეული ლექტორი „თავისუფალ უნივერსიტეტში“, იურიდიულ ფაკულტეტზე და კითხულობს შესავალ კურსს საერთაშორისო კომერციულ არბიტრაჟში. იგი ასევე არის კომერციულ არბიტრაჟში საქართველოს არბიტრთა ასოციაციის სასწავლო პროგრამის მოდულების თანაავტორი და თანა-ტრენერი. რუსამ წარჩინებით დაამთავრა ოსლოს უნივერსიტეტის სამართლის სკოლის მაგისტრატურა 2013 წელს (ოსლო, ნორვეგია), ივ. ჯავახიშვილის სახელობის თბილისის სახელმწიფო უნივერსიტეტის კერძო სამართლის მაგისტრატურა 2012 წელს და მიღებული აქვს სამართალმცოდნეობის ბაკალავრის ხარისხი (წარჩინების დიპლომი) ივ. ჯავახიშვილის სახელობის თბილისის სახელმწიფო უნივერსიტეტიდან 2009 წელს. რუსას აგრეთვე აქვს გავლილი ერთი სემესტრი ვილნიუსის უნივერსიტეტში 2008 წელს (ვილნიუსი, ლიტვა), სადაც იგი სწავლობდა ევროკავშირის სამართალს. რუსა 2011 წლიდან არის საქართველოს ადვოკატთა ასოციაციის, ხოლო 2017 წლიდან საქართველოს არბიტრთა ასოციაციის წევრი.

რუსუდან ხაზარაძე არის იურიდიული კომპანია „BLC“-ს უფროსი იურისტი. მისი საქმიანობის სფერო მოიცავს საკორპორაციო, სამშენებლო, ენერგეტიკულ, უძრავი ქონების და სახელშეკრულებო სამართალს. რუსუდანის პრაქტიკული საქმიანობა გამოიხატება კომპლექსური ტრანზაქციებისა და გარიგებების დაგეგმვასა და სამართლებრივ უზრუნველყოფაში, კლიენტებისთვის სხვადასხვა სამართლებრივ საკითხებზე კონსულტაციების გაწევაში, მათ შორის და არა მხოლოდ, სამშენებლო, საკორპორაციო და უძრავი ქონებებთან დაკავშირებული მიმართულებით. იურიდიული კომპანია „BLC“-ს უფროს იურისტობამდე, რუსუდანს ამავე კომპანიაში 10 წლის განმავლობაში ეკავა იურისტის თანაშემწის, უმცროსი იურისტის და იურისტის პოზიცია. ამასთან, BLC-ს გუნთან შემოერთებამდე, მან წარმატებით გაიარა სტაჟირების ერთ წლიანი კურსი საქართველოს უზენაეს სასამართლოში, სადაც მას ევალებოდა სასამართლოში შესული საქმეების შესწავლა, ფორმალური დასაშვებობის შემოწმება და საქმის მოსამართლისთვის გადასაცემად მომზადება. რუსუდანი ამჟამად არის კავკასიის უნივერსიტეტის მაგისტრის ხარისხის კანდიდატი, მან 2020 წელს წარმატებით გაიარა ჰარვარდის უნივერსიტეტის აფილირებული კურსი ინტელექტუალური საკუთრების სამართალში. რუსუდანი ასევე ფლობს იურისტის დიპლომს ივ. ჯავახიშვილის თბილისის სახელმწიფო უნივერისტეტიდან. 2014 წლიდან რუსუდანი არის საქართველოს ადვოკატთა ასოციაციის წევრი, საერთო სპეციალიზაციით. ამასთან, 2019 წელს მან წარმატებით გაიარა საქართველოს არბიტრთა ასოციაციის აკრედიტაციის კურსი და 2020 წელს გახდა ასოციაციის აკრედიტებული წევრი.

სალომე ჯანელიძეს აქვს ენერგეტიკის დარგში 15-წლიანი გამოცდილება. იგი უშუალოდ მონაწილეობს საქართველოში ევროპული ენერგეტიკული რეფორმების განხორციელებაში და მნიშვნელოვანი წვლილი აქვს შეტანილი ქვეყანაში მოქმედი ენერგეტიკის მარეგულირებელი ჩარჩოსა და პოლიტიკის შემუშავებაში. სალომე ხელმძღვანელობს ენერგეტიკული გაერთიანების სამდივნოს თბილისის ოფისს, წარსულში კი ხელმძღვანელობდა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკის) იურიდიულ დეპარტამენტს. სალომე ჯანელიძე არის დოქტორანტი ენერგეტიკისა და ელექტროინჟინერიის მიმართულებით. ამავდროულად, ფლობს სამართლის მაგისტრის ხარისხს (LLM) გრონინგენისა და ესექსის უნივერსიტეტებიდან.

სანდრო ბიბილაშვილი არის წამყვანი ქართული იურიდიული ფირმა BGI Legal-ის პარტნიორი (2014 წლიდან). მანამდე იყო ამავე იურიდიული ფირმის დირექტორი (2011 წლიდან) და უფროსი იურისტი (2005 წლიდან). 2001 წელს 5 თვის განმავლობაში სტაჟიორად მუშაობდა ამერიკის შეერთებული შტატების კონგრესმენის, ბერნი სენდერსის ოფისში (ბერლინგტონი, აშშ). სანდროს გამოცდილება მოიცავს არბიტრობას GIAC-ის წესებით (როგორც ერთპიროვნული არბიტრად, ასევე საარბიტრაჟო ტრინუნალის წევრად); ასევე, მხარეთა წარმომადგენლობას საერთაშორისო და ადგილობრივ საარბიტრაჟო დავებში (მათ შორის, ცნობა-აღსრულების საქმეებში საქართველოს უზენაესი და სააპელაციო სასამართლოების წინაშე). სანდრო ბიბილაშვილი ფლობს იურისტის დიპლომს ივ. ჯავახიშვილის სახელობის თბილისის სახელმწიფო უნივერსიტეტიდან (2003). ასევე, სამართლის მაგისტრის ხარისხს საერთაშორისო ბიზნეს სამართალში ცენტრალური ევროპის უნივერსიტეტიდან (ბუდაპეშტი, უნგრეთი; 2004). სანდრო არის 2010 წლის ედმუნდ მასკის სტიპენდიანტი. 2011 წელს დაამთავრა დუკის უნივერსიტეტის სამართლის სკოლა (ჩრდ. კაროლინა, აშშ) და მიენიჭა სამართლის მაგისტრის ხარისხი. 2006 წელს წარმატებით ჩააბარა ადვოკატთა საკვალიფიკაციო გამოცდა, სამოქალაქო სპეციალიზაციით. ხოლო 2015 წელს ჩააბარა ნიუ იორკის შტატის ადვოკატთა გამოცდა და 2016 წელს გახდა ნიუ იორკის შტატის ლიზენცირებული ადვოკატი. 2012 წლიდან არის CEDR-ის (Center for Effective Dispute Resolution) მიერ აკრედიტებული მედიატორი, ხოლო 2013 წლიდან არის თბილისის საქალაქო სასამართლოსთან არსებული მედიაციის ცენტრის მედიატორი. 2019 წელს იყო სსიპ საქართველოს მედიატორთა ასოციაციის დამფუძნებელი წევრი. 2017 წლიდან სანდრო არის თბილისის თავისუფალი უნივერსიტეტის მოწვეული ლექტორი. სანდრო ბიბილაშვილი არის საქართველოს იურიდიული ფირმების ასოციაციის გამგეობის წევრი და ასევე, საქართველოში საერთაშორისო სავაჭრო პალატის კომერციული სამართლის კომისიის თავმჯდომარე.

დოქტ. სერგი ჯორებანაძე კერძო სამართლის სპეციალისტია. მისი საქმიანობის ძირითადი მიმართულებები მოიცავს: სახელშეკრულებო, სანივთო, ვალდებულებით სამართალს. მას უდიდესი გამოცდილება აქვს ხელშეკრულებების შედგენასა და წინასახელშეკრულებო მოლაპარაკებებში. გარდა კერძო სამართლისა, დოქტ. სერგი ჯორბენაძე, სამართლებრივ ბაზრისთვის უიშვიათესი სფეროს - მედიასამართლის ექსპერტია. დოქტ. სერგი ჯორბენაძე გახლავთ ივანე ჯავახიშვილის სახელობის თბილისის სახელმწიფო უნივერსიტეტის ასისტენტი კერძო სამართლის მიმართულებით, ასევე, რამდენიმე უნივერსიტეტის მოწვეული ლექტორი. იგი ლექციებს კითხულობს როგორც ბაკალავრიატზე, ასევე, მაგისტრატურასა და დოქტორანტურაში. დოქტ. სერგი ჯორბენაძე არაერთი პუბლიკაციის, მონოგრაფიის ავტორი და სამოქალაქო კოდექსის კომენტარის თანაავტორია. დოქტ. სერგი ჯორბენაძე სამართლებრივ მომსახურებას გერმანულ, ინგლისურ და რუსულ ენებზე ახორციელებს.

სოფიო მაჭავარიანს აქვს 20 წელზე მეტი გამოცდილება როგორც საჯარო სამსახურსა და კერძო ბიზნესში, ასევე საგანმანათლებლო სფეროში. იგი სხვადასხვა დროს მუშაობდა საქართველოს იუსტიციის სამინისტროში კერძო სამართლის დეპარტამენტში სპეციალისტად, აღსრულების ეროვნულ ბიუროში ბიუროს უფროსის მოადგილედ, საქართველოს უზენაეს სასამართლოში მოსამართლის თანაშემწედ, თბილისის საქალაქო სასამართლოს სამოქალაქო და ადმინისტრაციულ საქმეთა კოლეგიებში კოლეგიის მოსამართლედ, მუდმივმოქმედ არბიტრაჟ დავების განმხილველ ცენტრში (DRC) არბიტრად. ამჟამად არის სს ,,ლიბერთი ბანკის“ სასამართლო დავების განყოფილების უფროსი. ამავდროულად არის ადვოკატთა ასოციაციის წევრი, საქართველოს იურიდიული ფირმების ასოციაციის (სიფა) ასოცირებული წევრი და ბიზნეს რეაბილიტაციის და გადახდისუუნარობის პრაქტიკოსთა ასოციაციის (BRIPA) წევრი, შპს ,,GPN”-ის და კომპანია „TST LEGAL“-ის დამფუძნებელი პარტნიორი. სოფიო მაჭავარიანი არის იურიდიულ მეცნიერებათა დოქტორი. არის არაერთი სამეცნიერო სტატიის ავტორი და საერთაშორისო კონფერენციის/ტრენინგის მონაწილე. ასევე, სოფიო მაჭავარიანს აქვს 9 წლიანი პედაგოგიური გამოცდილება. მისი პედაგოგიური პრაქტიკა მოიცავს შემდეგ დარგებს/მიმართულებებს: - შედარებითი საკორპორაციო სამართალი, საქართველოს ტექნიკური უნივერსიტეტის იურიდიული ფაკულტეტის მაგისტრატურა, 2012- 2014 წწ. - სამოქალაქო საპროცესო სამართალი, ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტის ბაკალავრიატი, 2013 წ. - საოჯახო და მემკვიდრეობითი სამართალი, ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტის ბაკალავრიატი, 2015 წ. - კრედიტის უზრუნველყოფის სამართალი, ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტის ბაკალავრიატი, 2014-2015 წწ. - საჯარო რეესტრში გარიგებათა რეგისტრაციისა და აღსრულების სამართალი, თავისუფალი უნივერსიტეტის სამართლის სკოლის მაგისტრატურა, 2015 წლიდან დღემდე - იურიდიული კლინიკის პროექტის ტრენერი/ადვოკატი, თავისუფალი უნივერსიტეტის სამართლის სკოლის იურიდიულ კლინიკის პროექტი, 2014 წლიდან დღემდე

სოფო ტყემალაძე არის Resolve-ის დამფუძნებელი, და ამავდროულად საქართველოს არბიტრთა ასოციაციის თავმჯდომარე. სოფოს გამოცდილება მოიცავს არბიტრობას GIAC-ისა და DRC-ის წესებით, ისევე როგორც დავების საბჭოს წევრად ყოფნას მნიშვნელოვან საერთაშორისო ინფრასტრუქტურულ დავაზე. ამ დავებში სოფო მოქმედებდა როგორც ერთპიროვნული არბიტრი, ისევე როგორც ტრიბუნალის თავმჯდომარე. სოფო ეწევა აქტიურ პრაქტიკას როგორც მედიატორი, ძირითადად კომერციული და შრომითი დავების მიმართულებით. ის ასევე არის აზიის განვითარების ბანკის სპეციალური ფასილიტატორის ოფისის (OSPF) ფასილიტატორი. სოფო არის ნიუ ვიჟენ უნივერსიტეტის ასისტენტ პროფესორი და ეწევა საგანმანათლებლო საქმიანობას როგორც სტუდენტებისთვის, ისე პრაქტიკოსი იურისტებისა და მოსამართლეებისთვის. სოფო ფლობს მაგისტრის ხარიხს საჯარო ადმინისტრირებაში ჰარვარდის კენედის სახელობის სახელმწიფო სკოლიდან, მაგისტრის ხარიხს საერთაშორისო ბიზნეს სამართალში ცენტრალური ევროპის უნივერსიტეტიდან და იურისტის დიპლომს თბილისის სახელმწიფო უნივერსიტეტიდან. იგი არის არბიტრთა სამეფო ინსტიტუტის პრივილეგირებული წევრი (FCIArb).

ქეთევან ხურცილავა ქეთევან ხურცილავა ფლობს ა(ა)იპ- საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის სამართლის ბაკალავრის და მაგისტრის (წარჩინების) ხარისხს. პროფესიული სტაჟირება გაიარა საქართველოს რეგიონული განვითარების და ინფრასტრუქტურის სამინისტროს საქართველოს საავტომობილო გზების დეპარტამენტის, იურიდიული სამსახურის სახელშეკრულებო სამმართველოში. ასევე, სსიპ-ვეტერანების საქმეთა სახელმწიფო სამსახურის იურიდიული დეპარტამენტის, სამართლებრივი აქტების მომზადების განყოფილებაში. ამჟამად იგი არის ა(ა)იპ-საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ჰუმანიტარულ მეცნიერებათა და სამართლის სკოლის სამართლის საბაკალავრო და სამაგისტრო პროგრამების კოორდინატორი. ასევე, ამავე უნივერსიტეტის მოწვეული ლექტორი. მას გავლილი აქვს კვალიფიკაციის ასამაღლებელი არაერთი ტრენინგი/ კურსი. მონაწილეობდა პირველი ეროვნულ შეჯიბრში კომერციულ არბიტრაჟში, არის საქართველოს არბიტრთა ასოციაციის წევრი.

ქრისტინა სტურუა არის საარბიტრაჟო ბიურო „ Baristi XXI“-ს დაფუძნებელი, საქართველოს არბიტრთა ასოციაციის წევრი. საარბიტრაჟო დავების განხილვისას ქრისტინა მოქმედებდა როგორც ერთპიროვნული არბიტრი, ასევე ტრიბუნალის თავმჯდომარე. ქრისტინა ფლობს მაგისტრის ხარისხს სამართალმცოდნეობაში ივ. ჯავახიშვილის სახელობის თბილისის სახელმწიფო უნივერსიტეტის.

შალვა ცხაკაია არის იურიდიული ფირმა GLCC-ის დამფუძნებელი პარტნიორი. მისი გამოცდილება მოიცავს არბიტრობას DRC-ის წესებით, როგორც ერთპიროვნული არბიტრი, ისევე როგორც ტრიბუნალის თავმჯდომარედ და საარბიტრაჟო წარმომადგენლობას ICC წესებით. შალვა ეწევა აქტიურ სამართლებრივ პრაქტიკას. მისი სამუშაო გამოცდილება, გარდა კერძო სამართლებრივი პრაქტიკისა, მოიცავს, საერთაშორისო ორგანიზაციებში (გაეროს განვითარების პროგრამა და სხვა.) საქმიანობას მსოფლიოს სხვადასხვა ქვეყნებში საარჩევნო სამართლის მიმართულებით (მოლდოვა, თურქმენეთი, ლიბერია, სომხეთი, სამხრეთ სუდანი, ავღანეთი, რუანდა, სომალი, ფიჯი და სხვა). შალვა ფლობს მაგისტრის ხარისხს სამართალში ინდიანას უნივერსიტეტის მაკინის სახელობის სამართლის სკოლიდან და იურისტის დიპლომს თბილისის სახელმწიფო უნივერსიტეტიდან.