დასრულდა საქართველოს არბიტრთა ასოციაციის არბიტრთა აკრედიტაციის II მოდული

წარმატებით დასრულდა საქართველოს არბიტრთა ასოციაციის არბიტრთა აკრედიტაციის II მოდული – პრაქტიკა, პროცესი და საარბიტრაჟო გადაწყვეტილების წერა.

სასწავლო კურსი 4 ივნისიდან 3 თვის განმავლობაში მიმდინარეობდა ონლიან რეჟიმში და მას უძღვებოდნენ დარგის ექსპერტები, არბიტრთა ასოციაციის წევრები სოფიო ტყემალაძე, ოთარ მაჩაიძე და რუსუდან გერგაული.

სასწავლო კურსი დასრულდა ფინალური გამოცდით (გადაწყვეტილების დაწერა), სადაც 11 მსმენელმა მოიპოვა გასვლის უფლება. 8 მონაწილემ წარმატებით გადალახა მეორე მოდულის გავლის ზღვარი და ჩააბარა გამოცდა.

მე-2 მოდულის წარმატებით გავლის შედეგად, რვავე მსმენელს შესაძლებლობა აქვს მიმართოს საქართველოს არბიტრთა ასოციაციას აკრედიტებული წევრის (არბიტრის) სტატუსის მოსაპოვებლად.

საქართველოს არბიტრთა ასოციაცია ულოცავს კურსდამთავრებულებს და უსურვებს წარმატებებს!