ასოციაციის თავმჯდომარე, არბიტრაჟის შესახებ ცნობიერების ამაღლების კამპანიის სამუშაო შეხვედრაში, ერთ-ერთ მთავარ მომხსენებელად მონაწილეობდა

არბიტრაჟის შესახებ ცნობიერების ამაღლების კამპანიის ფარგლებში, საქართველოს საარბიტრაჟო ცენტრმა, 2024 წლის 4 აპრილს, USAID სამართლის უზენაესობის პროგრამის მხარდაჭერით, მცირე და საშუალო ბიზნესის წარმომადგენლებთან სამუშაო შეხვედრა გამართა.

შეხვედრაზე ერთ-ერთ მთავარ მომხსენებლად მიწვეული იყო საქართველოს არბიტრთა ასოციაციის თავმჯდომარე – რუსუდან ჭკუასელი.

სამუშაო შეხვედრის ფარგლებში განხილული იქნა როგორც დავების გადაწყვეტის სხვადასხვა მექანიზმები და მნიშვნელოვანი ასპექტები, რაც გათვალისწინებულია მხარეთა მიერ ხელშეკრულებების დავის გადაწყვეტის მუხლში, ასევე საარბიტრჟო პროცესის მიმდინარეობა საარბიტრაჟო მოთხოვნის წარდგენიდან საბოლოო გადაწყვეტილების გამოტანამდე.