არბიტრაჟის დღეები თბილისში-2017

2017 წლის 2-3 ოქტომბერს სასტუმროში ,,რადისონ ბლუ ივერია” გაიმართა საქართველოს საერთაშორისო საარბიტრჟო ცენტრის-G I A C მიერ ორგანიზებული ღონისძიება ,,არბიტრაჟის დღეები თბილისში”. კონფერენციაზე მისასალმებელი სიტყვით წარსდგა საქართველოს არბიტრთა ასოციაციის აღმასრულებელი კომიტეტის თავმჯდომარე, ქალბატონი სოფიო ტყემალაძე . სოფიო ტყემალაძემ ისაუბრა არბიტრაჟის ინსტიტუციონალური განვითარების მნიშვნელობაზე, საქართველოში არბიტრაჟის გამოწვევებსა და განვითარების პერსპექტივებზე. სოფიო ტყემალაძემ ღონისძიების მონაწილეებს მიაწოდა დეტალური ინფორმაცია საქართველოს არბიტრთა ასოციაციის საქმიანობისა და გეგმების, ასევე ასოციაციის წევრობის უპირატესობების შესახებ.

3 ოქტომბერს კონფერენციას მოდერაცია გაუწია ასოციაციის აღმასრულებელი კომიტეტის წევრმა, ბატონმა ირაკლი კორძახიამ. ღონისძიებაში მონაწილეობა ასევე მიიღეს ასოციაციის აღმასრულებელი კომიტეტის თავმჯდომარის მოადგილემ, ბატონმა ლაშა ნოდიამ და კომიტეტის სხვა წევრებმა.

,,არბიტრაჟის დღეები თბილისში” ჩატარდა საქართველოში ევროკავშირის წარმომადგენლობისა და გაეროს განვითარების პროგრამის მხარდაჭერით.